جـتك الرسآله وانا مآكنت ابرسلها....لآكـن هـآذي عـلومي يـوم تـنشدني

[مـحـمـد بـن سـمـدآن]

أضحك وأداري عباد الله وأجاملها..
والله على نعمــة الكتمـان قــايدني.

دورت بالــخلق ضايعــها وعــاقلها..
ولا لقيت اللي لا من ضعت يرشدني ..

حتى الي بديــته على الناس بأكملها..
راح وغــدربي ولا كنه معاهــدني

مافيـه أحد (يـحفظ العشره ويبجـلها)
هذي الحقــيقه وشكـي ما يـراودني

إن مت كلن نسى ذكراي وأهملها
وإن رحت محدن" من العالم بـ فاقدني

عزاه يا ضيقة" بالصــدر شايلها
وين اللي يبكي علي ؟.. وإن طحت يسندني..

لا جيت أقرب لخــلاني و أواصلها
لقيت حتــى طريق القــرب يبعدني

يا اللي جروحك عرفت شلون أعاملها
أنا تعوّدت ,, لا داعي تعودني

يا أول سنيني وآخرها (وأجملها)
الله معاك ومعي وأبيك توعدني ..

لا جات ذكراي في بالك تأملها
شف وش كثر كنت بـ التعذيب تجهدني

ليتك مثل ماتخيـلها تخيـلها
وتعرف الأحزان يا اللي كنت مسعدني

(( و اليوم سلم على الصوره وقابلها))
ما عاد فيني شعــورا" لك يجــودني

والله مدري أنا من وين أحصلها ؟!
من ضيم الأيام أو حظن معاندني

جتك الرسالة وأنا ما كنت أبرسلها
لكن هذي علومي يوم تنشدني .!