كلمات :سطام بن بتلاء " اداء" سعد اليامي {وجد حالي لاقبل الليل وانزاح النهار}

[سـحـآيب]

كلمات :سطام بن بتلاء " اداء" سعد اليامي
{وجد حالي لاقبل الليل وانزاح النهار}





وجد حالي لا اقبل الليل وانزاح النهار
وجد من باقي بعمره عن الموت شعره
التفت حوله بنيات وعياله صغار
امهم ماتت ولا له بعد ماتت مره
موتره تكسي يكده على خط المطار
وبيته صغير واجاره سنين مأخره
غمض عيونه وفتّح وناظر للجدار
ماله الا يفرك يديه ويطق نحره
ايقن ان العمر للأدمي رحلة قطار
لكن ان الفرق رحله بليا تذكره
في زمن ماتامن الناس حتى الجار جار
في زمن فيه الصداقات مامنها ثمره
في زمن كبّر صغاره وصغروا به كبار
في زمن متساويٍ فيه يومه وشهره
كم وجهٍ يختبي خلف وجهٍ مستعار
وكمّ حلم عاش راعيه وسط المقبره
ماتبرد حرة الجوف في فك الزرار
لا بدا بالصدر تكّه وبالعين عبره
غير جيبٍ كنّه السبع لا قفّا ودار
كانه أقبل لك بوجهه ولا اعطاك ظهره
جيب لندكروزر أفظل فئات الفكس ار
مفخره دابل كبود المواتر مفخره
كن لونه ثوبٍ ابيض مخيط في مشار
مابعد دقوا سويكه ولا دار كفره
مثل مابالغيد ماقد خذينا الا بكار
بالمواتر ناخذ اللي ماطب السمكره
من نشاطه كن شكمانه يطلع شرار
ماوراه الا ظلاله ولجه وغبره
وان تمايل با اتجاهاته يمين ويسار
مهرتن في عرس اخوها تمخطر مخطره
كن كراسيه كنبات لطوال العمار
وكن نور اسطبه كبوس في ملعب كره
منظر الطبلون قوسي تقل فتحة وجار
وكن زانه عودٍ ازرق مهو في مبخره
لا شريته جب به الارض وارثع بالديار
ماهو بحقه تخليه في ظل شجره
هج عن ضوضا المدينه وعن جو الغبار
سج عن نقالة الحكي وأهل الثرثره
حط كسيت ابن جدلان لا طال المسار
ولا امتلى راسك من النظم شغل منقره
سجةٍ با ارض ماهي ملك في مكتب عقار
قاعها من صادق الوسم ماجف مطره
سجة اللي راح عمره رهين الانتظار
ان لقى الشر كتمه وان لقى الخير شكره



..

[بنت الزعبي ..]

السلام عليكم ورحمة الله وبركاته

كلمات في منتهى الروعه

لا هنتي ع النقل الرايع

تقبلي حضورى المتواضع

[مـشـهـور]

لا هنتي على نقل الجميل ودايم مبدعه

[سـحـآيب]

المشاركة الأصلية كتبت بواسطة بنت الزعبي ..

السلام عليكم ورحمة الله وبركاته

كلمات في منتهى الروعه

لا هنتي ع النقل الرايع

تقبلي حضورى المتواضع

عليكم السسلآم ورحمة الله وبركآته ..

ولآ انتي يـ آلـغلآ ..

مرحبآ بك ..

[سـحـآيب]

المشاركة الأصلية كتبت بواسطة مـشـهـور

لا هنتي على نقل الجميل ودايم مبدعه

ولآ انت ..

والآبـدآع يكمن بحضورك الطيّب ..

مرحبآ بك ..