تحفظ ملكنا

[محمد ضرمان الشولاني]

مساكم وصبحكم الله بالخير جميعا

.هذه قصيدة شاركت بها في أمسية (فرحة وطن) المقامة في الأحساء
بمناسبة وصول خادم الحرمين الشريفين إلى أرض الوطن سالمأ معافى

سلامن ازكى من العنبر ومسكن وعود=وازكى من الكادي الفواح عطره ثبات
ويــامرحبـــــا عدّ همالـن بغيثه يجـــود=ويا مرحبا ياملكنا ياعظيــم الصفـــات
واعداد ماغـرد القمري وهبّات نــــــود=واعداد سيلن تحدّر مروين للوطــــات
استبشرت فيك الأمه والأمل بـــك يزود=وجيتك سالم علينا من عظيم الهبـــات
والشعـب يرقى بظلك يا ملكـنا سنــــود=وانفوسنا دون نفسك يالملك مرخصات
لك وقفتن بين شعبك والملا لك شهود=والدار تزهى بحكمك ســاهرن ماتبـــات
ارسيت حكم الشريعة بالعدل والعهود=واوصيت بالشعب خيرن موصين للجهات
ومدّيت كف الأبوّه لليتامى وعـــــــود=وحملت هــمّ الأرامل عـون ومطلقــــات
وهدّيت من درب طلاب الوظايف سدود= وبنيت للعـلـم نبراسـن لها جامعــــات
وسعيت جاهد لنهضه مالها من حــــدود=والدار تشهد تقدم في جميع الجهــــات
وللعالم ارسلت للمحتاج عـــونك وفـــود=وارتفعت أيدي فقارى للملك داعيـــات
وللعاني ارسلت جيشك ما بديت بصـدود=حتى تعيش الشقايـق بالأمن هانيــــات
ودايــم تبــادر وتسعى باذلن للجهــــود=في حل أكبر قضايــا بالدول معضلات
في كف طيبه ورحمه وارثه من جدود=وفي كف سيفن تواقد في نحور الطغات
وسلطان ياقف عضيدك معجزن للحقود=ولامد كف السخى والجود منه عظات
والنايـــف اللي محقق للأمن والركــــود=مِحْزَمْك لا ثارت الظلال جهل وفئات
لجلك نسوق المطايا للوغى والحشـود=ونفتك براس المعادي ضرب بالمرهفات
ولجلك تهون المنايــا والولد لك نقـــود=تفـــداك أرواح شعبـك للوفــا هيّنــــــات
ولجلك نفـك العقايــد جلّهــا والقيـــــود=في درب سيــر المسيـره للعلا راقيـــات
ولجلك تهون الصعايب حملها مايكــود=ما دام مثلك شتـلها بالمنــاكب وجـــــات
هذي خطوطن رسمها للوطن بالبنـــود=صقـرن تعلى بفعلــه ماكـــره نايفـــــات
وحّد شتــات الجزيره قايــدن مايحــود=عبدالعزيز الله اكبــر جامعــن للسمـــات
شهم وكريمن وفارس سمعته للخــلود=وسطر لنــا في ثباتـه مجــد والمعجـزات
هذا وطنـــا عزيزن هامتــه ماتنــــود= ما دام مثلي ومثلك عن حــدوده حمــات
يادرّتن صانش الرحمن عين الحسود=والطــامــع الله يـــورّد حالتــه للشتــــات
يا لله يا مرسلن رسلك علينـا شهـــود=و يا عالمن مــا نكنّه بالصــدر خافيــــات
تحفظ ملكنا وتحفظ دارنا والحـــــدود=ويـبـقى ملكنــا معــافى ذخــر للمقبــلات
ويطول عمره ويبقى دايمن بالوجــود=و يـارب نطلبك عفــوك والثبـات الثبـات

وسلامتكم،،،

محمد ضرمان الشولاني

[ناصر بوجما]

آلله آلله

صح آلله إلسسآنك , وآفيه من وآفي

ويسستآهل [ بومتعب ] آلله يحفظه !!

[خالد بن رمثان]

أنت كفو يا بو راكان و قصيدتك جزله

الحمدلله على سلامة الملك عبدالله بن عبدالعزيز

و صح لسانك و فانتظار جديدك هنا ..

[سعد سعود]

صح اللسانك

ويستاهل المليك العود

[(سعد بن محمد)]

الله الله

صح السسسسسانك يا محمد

والحمدلله على سلامه ابو متعب

وننتظر جديدك ..

[محمدالعمار]

صح السانك يابو ضرمان ويستاهل ملكنا.

[سلطان ال شريد]

اررررحـب يآبـؤو رآإكـآن .../!


صصصصصح لسسسآنـك ولاهنت عـلى ذآ الكآيفـه والجـزله

مآهـي غريبه عليـك ...//!

قصيـده فـي قمه الابدآإ‘ع ...//!!



والحمد للـه عـلى سـلآإمـه ابـؤو متعب ..//!


لاهـنت وفي انتظآر جديدكـ

[عبد الله العظيمان]

صح لسانك ولاهنت على القصيده

[محمد ضرمان الشولاني]

الشاعر ناصر بو جما

ارحب ارحب

صح بدنك ولا هنت يالغالي على المرور الكريم

فلك مني جزيل الشكر والتقدير

[محمد ضرمان الشولاني]

الأخ العزيز والشاعر الجزل

خالد بن رمثان

صح بدنك ودام تواجدك الراقي

ولا هنت على المرور والإشادة الوافية من وافي

ولا عليك زود طال عمرك

فتقبل مني باقة تحاياي وعظيم امتناني