مجدول السنام

[المنفرد]

اخررر ما كتبت

اقوووول


ما بدا للعين والقلب الحزين
غير جر الصوت في جنح الظلام

لاعنا يعني من راح السكين
ولاشفا جرحن من سيوف الهيام

تردف الاحزان بالزند المتين
لين ودتني لمحياض الحيام

ياهجوسي ما بقا بقعه تبين
تضرب الاطناب في صدري خيام

ياهجوسي وهجرس واخذ الكنين
لاج من وسط الحشا شرقن وشام

الامر منهي من اللي أمرين
والعتب يعجز علا كثر الكلام

مابقالي لا يسار ولا يمين
ولا بقا بنيه على بني الهدام

ياهجوسي وين ألاقي قلي وين
ناعسات الطرف مجدول السنام

والله اللي زارعن رحمه ودين
اني لاسوق القدم وكرب حزام

بس وين ألقاه في غبش السنين
بعد ماطال المهاجر والخصام

ياهجوسي خافقي عنده سجين
من ورى عينه ومن بين العظام

كل يوم اصحى على وتر الانين
وأفزع امن النوم ويطير المنام

ياهجوسي غاب عني مدري وين
خالف أبعهده وغير فالنظام

حط مابيني وبينه حاجزين
حاجز الفرقه وحاجز الختام

ياهجوسي ناظري له طرف عين
ماني مغرور لكني مقام


ياهجوسي والوفا بيني وبين
الوليف اللي مقفي للامام

هرجته معسول من هرج السمين
وشتلا من فكرتي ضرب السهام

ياهجوسي ما أقول الا المهين
الذي يدعس على روحه دهام

والحمد لله عزيزن مقتدين
بالنفوس الراجح عامن لعام

ياهجوسي خابر اللي خابرين
حبي شاع من فوادي بالكتام

كثرته تبرح عيون الخاصمين
تضرع لناسن عليه بالهمام

ياهجوسي روحتي شينه وزين
لكن اللي باع نفسه والجهام

ما أضن انه يعين اللي يعين
ولا اضن يفرح بجيه للحشام

واختصار العلم يالله يامعين
تجتلي قلبن على وهجه مظام

[العــــديم]

صح لساانك

يوجد شطور محتاجه لوزن


لاهنت

[حزن الهدير]

صح لسانك

تسلم يمينك على القصيده الروعه

ولاهنت بانتظار كل جديد من كتاباتك

[علي الرطام]

صح لسانك ...

[المنفرد]

العديم

الله يجزاك خير على تنويه

ويسعدني تواجدك في متصفحتي دايم

تستحق الشكر والثناء

الله يكثر من امثالك

انت معلم فالمنتدى وانا اشوفك مثال

لك مني مابين سطوري وحروفي كل الشكر وتحيات

[المنفرد]

حزززن

الاروع تواجدش في متصفحتي

ويكفيني انش مررتي على هذا الطرح مرتين

شكرش جزيل الشكر

ولش مني خالص امتناني وشكر عرفاني

[المنفرد]

ابن رطام

صح بدنك ياذيبان

والله لايهينك على حسن المتابعه وتواضعك لدخولك لمتصفحتي

يعجز لساني في ردك المرنوق في مستواه

لك مني اجزل السلام والاحترام

[خانتني الدنيا]

صح لسانك يالمنفرد
مبدع ..لاهنت خيوو

[المنفرد]

صح الله بدنش

[المنفرد]

الـعـديـم

والله وتالله اني اكين لك في وسط صدري كل محبه وأحترام لشخصك

وانا لا أخالفك الرأي انت مثلي الاعلا فالمنتدى انت القائد هنا

فلا استطيع ان اتعداك في راي انت طرحت

لكن الابيات سلمك الله موزونه لكن يوجد اخطاء أملائيه انت صحيح وانا ابرر وجهت نظرك بصحتها لكن الابيات تخل من الوزن وسبب الاخطاء الاملائيه

وهذا يورد علي

ومنك انت واخواني الاعضاء نستفيد

وعلى سبيل المثااال

كل حصان لهو كبوه

بارك الله فيك وانا من تلاميذك فالمنتدى