رثائيه في الشيخ معضد بن حزام آل خرصان (ابوحزام)

[الأدوح]

القصيده التاليه قصيدت عبد الهادي بن راشد ال جحشان الخضيري الشامري عندما اتاه خبر الشيخ معضد بن حزام بن خرصان (ابوحزام) وقال فيها::

خب ابن قروش في العشي راس قاره=متهيض يرقى طويل الفرايدي
روحت مندوب وباعطي بشاره=ياوالله اللي جاب علم وكايدي
عسى الرفيعه كل ماجاء غياره=أدوسها دوس الهمل للحمايدي
ياأميرنا ياشباب ضوء المناره=بسوالف صدق ومرا فوايدي
نمرا شجاعا مرثينه نماره=وهو سعدكم يامقفين البرايدي
ياوالله اللي راح منكم خساره=وعزالله إنه من وساع البنايدي
يحب الرفيق وزايد في وقاره=ترحيبه لقبل وهي له عوايدي
ستر العدْارى ومن وراهم حضاره=هو سندهم لاجات الليالي الشرايدي
خلي حسين الدل واخلي دياره =ودعت به منشي قنوف الرعايدي
فلا ياوجودي وجد راعي عماره=يبست سواقيها وهدب الجرايدي
والا وجود اللي شكى من جباره=يلوي على ساقه قوي الطوايدي
بدأ تدمر مارضينا دماره=يبكي عليهم دام منهم شرايدي
الآ القصيمي نافلين البشاره=كم حلتا حطوا عمدها بدايدي
ياعين يالي كن فيها حراره=انثري دواها غاره ماهوب فايدي
دموعها تسقي الجبل والزباره=منها الحنيفي حادر له جدايدي
في الخرج يسقي لباديه والحضاره=وفيض لطراف والجم زايدي
اجنب واشمل وحدره صوب واره=في دبره الوالي قوي العمايدي
لا وا جملنا اللي ضيع في خباره=وهو ربحكم ياطاردين الفوايدي
اسباب باحث الردى والجحاره=بحث الردى ماهو لكم بالعوايدي
.هدْ بكيع ماقسم له تجاره= والطيب منه من بعيد يحايدي

للشاعر عبدالهادي بن راشد بن قروش