السلام عليكم ورحمة الله وبركاته
ولكم ذا القصيده وأرجو أن تعجبكم...
في دربكم يا راحلينٍ مناكيف ,, تالي ليال القيض باول خريفه
ردوا سلام اهل القلوب المواليف,, وعلى الوليف اللي نشد عن وليفه
ردوه لعذوق النخيل المهانيف ,,, وعلى القصور اللي بوادي حنيفه
دارٍ لها في القل عشق وتكاليف ,, يا عل عينٍ ما هوتها كفيفه
يا واردين العد كفوا المغاريف ,, اللي بقى دمعٍ هماجٍ ذريفه
والله لو دمي يغيث الملاهيف ,, قطعت عرقي لين يصفي نزيفه
طبنا وشبنا واتعبتنا المشاريف ,, والمرقب العالي هبوبه عنيفه
يا حظ من لا عِرف منهو ولا شيف ,, ان طاب يحمد وان تردى بكيفه
وســـــــــــــــــلآلآمتكم ,,
للشاعر : الامير بدر عبدالمحسن
ولكم أطيب أطيب تحياتي
03-03-2005, 04:39 PM
العرض الشجري