صديق يرثي صديقه

[نبض المعاني]

هذه قصيدة الشاعر مهذل بن مهدي آل مهذل الصقور اليامي قالها عندما توفي أحد أصدقائه وهو المرحوم ( عبدالله فريك الصقور ) وذلك إثر غرقه في السيل ونظم هذه القصيدة عندما كان طالبا في الثانوية العامة .... وذلك عام 1413 هـ

البارحة ليـل السهـر والمعانـاه=سهران مالي رغبة ٍ فـي الرقـادي
لولا ضلوعي خافقي في الخلا تاه=تلعب به أنـواد الشمـال الغـوادي
ياونتـي ونّـة ذيـابٍ مضـرّاه=في راس نيّـافٍ طويـل المبـادي
عليك يالّي كـل ماقلـت بأنسـاه=ـوآسج منّـه زارنـي فـي رقـادي
آشوف عبدالله يجينـي بذكـراه=في الحلم كنّه لي بصوتـه ينـادي
ياحيْ ضحكاته وياحـيْ ممشـاه=ـوياحيْ مزحه والزعـل والعنـادي
أهتز قلبـي يـوم قالـوا فقدنـاه=وأقبل عليه السيل فـي فـرع وادي
تسوقه القـدرة لسيـل ٍ تغشّـاه=لين أختفى من عقب ماكـان بـادي
عليْه سيل العجمه أنشت دفايـاه=ـأنهدْ سيلـه مـن فـروع ٍ بعـادي
وبله سرى ليته تأخّـر بمسـراه=وسـرى علينـا همّنـا والنكـادي
وقفْـت فـوق السيـل وآقـول يالله=لاتقطع حبـال الرجـاء بالبعـادي
يومين مفقود ٍ وحن مـا وجدنـاه=عفنا شراب المـا معـا كـل زادي
ندوّر أثـره مـن لقينـا سألنـاه=شفتوا لنا رجل ٍ معا السيل غـادي
نرجيه بحبال الرجـا ونتحـرّاه=ـوشوفه معافـا قصدنـا والمـرادي
والسيل مايرحم غريـق ٍ تحـدّاه=ماله رحيـم ٍ كـون ربْ العبـادي
ومن عقبها ياوجد عينـي لقينـاه=قد مات لايسمـع ولا هـو ينـادي
ميّت وروحه صاعده عنـد مـولاه=عسى لها الجنّـات يـوم المعـادي
نبكي عليه بوسط الأكفان شلنـاه=ـيالله عسى يوم الحـزن مايعـادي
يوم أنزلوهـ بجال قبر ٍ حفرنـاه=ـبكوا عليه الناس حضـر وبـوادي
تكفـون عبـدالله بقبره دفنّـاه=ـفـارق اربوعـه كلّهـم والبـلادي
وقفت فوق القبر دمعي بمجـراه=ـمحزون وأخفي رجفتي وارتعـادي
والموت ليته خذ بدالـه وخـلاّه=ليته يجنّب كـل رجـل ٍ جـوادي
وليت الردي في داخل القبر يفـداه=لاشك طرّاد المنـا مـا أستفـادي
وجدي على فرقا كحيلان وجـداه=وجد البري الّي بالسلاسـل يقـادي
وجد الكسير الّي تعثّـر بممشـاه=خلّوه ربعه فـي نهـار الطـرادي
أبكوا ونا ببكي رفيـق ٍ عرفنـاه=ـوياشين عقب المعرفـه الإفتقـادي
نضحك له أمس ويومنـا ذا بكينـاه=اليوم قد هو في القبـور انفـرادي
كم ليلـة ٍ زينـه تحدّثـت ويّـاه==مابيننـا هجـر وجفـا وابتعـادي
ياعين هلّي دمعتك عقـب فرقـاه=إبكي فراق الّـي نـوى بالشـدادي
قولوا لعبدالله تـرى مـا نسينـاه=مادام نور الشمـس للنـاس بـادي
والله ماننسـا زمـان ٍ قضينـاه=حلفت ماننسى الرجـال الجيـادي
قم يارسولـي ودْ خـطٍ كتبنـاه=صوب الرجال الّي تعرف القـوادي
سلّم عليهم عدْ غيـم ٍ نثـر مـاه=واعداد سيل ٍ فـي مجاريـه زادي
ثم قل لهم حكـم المقـدّر مـن الله=والصبر مفتاح الفـرج والرشـادي
يا أهْل العقول يروح مثله وشرواه=الموت خذ قبلـه سبـاع ٍ عـوادي
راح النبي محمّـدٍ بأمـر مـولاه=وبني هلال وقبلهـم قـوم عـادي
من مات عقبـه ماتفيـد المواسـاه=ولايرجّعْـه الـعـزا والـحـدادي
وختامهـا صلّـوا صـلاة ٍ مثنّـاه=علـى نبـي ٍ للمخاليـق هــادي

[/b]

ابن زابـــــــــــــــن