سبق أن ذكرت في قسم المحاورة أول بيت من هذه القصيدة واني سوف انزلها كاملة بعد العيد ،، ونظراً لملاءمة القصيدة للقسم العام وليس للمحاورة فقد تم انزالها في العام آملاً أن تحوز على رضى الجميع ..
ملاحظة : الشطر الأول من البيت الأول مقتبس من قصيدة لي مشابهة جداً لهذه القصيدة سوف يتم إنزالها لاحقاً في هذا المنتدى المميز وحصرياً ... مطلع القصيدة يقول : انا أعز الرفيق اللي الى من شاف ربعه فز *** يرحب بالجميع وكل زواره يعــزونـــــه ...
أنا اعز الرفيق اللي الى من شاف ربعه فــــز
أنا اعزه وانا أغليه ابكل أوقاتٍ وحـــــــــزه
وانا أعزه الى منه وقف في مجلسه وارتـــــــز
وقام ابواجبك والنفس من فـزة الى فـــــــزه
واعـز اللي الى منه حكى في كلمته يـوجـــــــز
ذبيـل الهرج ياتيبـه .. ولاشاف الغلط كــزه
واعـز اللي الى امن اقفيت لايهمـز ولا يلمـــــز
صـدوق اليا هـرج وان جـاء كذوب الهرج ماهزه
واعـز اللي كريمٍ لالفاه الضيف عـزه عـــــــــز
حقوقه قام فيها دون منه دون مــاحـــــــزه
واعـز اللي حفظ دينه حفظ سنة نبي العــــــــــز
حفظ قرآن ربي غيب والاركـان منعـــــزه
واعـــز اللي جنابه زين لاقابلك قام ونـــــــــــز
بوجـهٍ ضاحكٍ بشـوش وامحيـاه مـــــاوزه
واعـز اللي بعد مايشرب المخـزي ولا له مـــز
نقــيٍ من جميـع المخـزيات امنـزه امنــزه
وعكـس اللي مضـى كلـه يضايق خاطري ويحـز
ولا له قيمـة عنـدي ولـو قالــوا لـي اببزه
وهـذا مختصر شخصيتي ياقـاري المــوجــــــــز
هنـا دونتها بتوفيـق رب الكـون والعــزه
كلي أمل أن تحوز على رضاكم واستحسانكم وتقبلوا تحياتي ....
27-10-2006, 10:25 PM
القصيدة التي وعدتكم بها في رمضان كاملة
العرض الشجري