نجم القصيد (((ربعي العجمان ماني بندمـان)))

[أبـــوسعـــــود]

السلامـ عليكمـ ورحمة الله وبركاته

صباحكم ومساءكم ورد .. أعضاء وعضوات


وهذه القصيده كانت أول مشاركه لشـــاعر خالد بن مسلم العجمي في مسابقة نجم القصيد وتأهل من المرحله التي القيت فيها هذه القصيده ....

** ملاحظ أن لايووجد دعم معنوي أو مادي لهذا الشاعر مع أنه يمثل قبيلة يام والعجمان خاصه

وهذه القصيد الأولى لـــه في البرنامج .

وأتمنى ان تحوز على اعجابكم .. من .. شعراء و شاعرات ...وزوار .. ألخ


صلوا على النبي ..

الشعـر دلـه والفناجيـل قيـفـان=
وأشرب فناجيـل القوافـي بديـه
وصفف القيفـان والقلـب شفقـان=
شاعـر وعنـدي لشعـر مقدريـه
كان السفينه مركـب وفيـه ربـان=
فأنـا تمثنيـت البحـور العصيـه
ولاعودت لشعر شاعـر وبطـران=
أداحـم الشعّـار والنـار حـيـه
يا خيل العرفا ولو كان مـا كـان=
وأنا ولد عامر على الصعب سيـه
خوالي الظفران من ساس قحطـان=
هواجـرٍ زبـن الدخيـل و خويـه
وفي ربعي العجمان ماني بندمـان=
أهل الوفا وأهـل القلـوب النقيـه
المسأله ما هي ترى حبك الأوزان=
وماهي عشان اعجاب بحلى بنيـه
المسأله ذالحين في وسـط ميـدان=
والشاعـر اللـي فكرتـه عبقريـه
أبشرك يـا مسلـم البـال طربـان=
فالشعر عنـدي فلسفـه شاعريـه
أرتب المعنى على عـدت أركـان=
وأجاري بيوت الشعـر مـا عليـه
أنا على خبرك جبل يـا كحيـلان=
والريـح هبتهـا تجـي موسميـه
الحمد لله وأشكـره عالـي الشـان=
خالـق عمـاد الكـون والجاذبيـه
من صغر سني أبني الساس عمدان=
ويامصغر الشمس وتضئ البريـه
وش قيمته شاعر كذا دون برهـان=
يلعب على نفسـه ونفسـه رديـه
أما يجي شاعـر ومبـدع وفنـان=
ولا ترى راحـت حياتـه خطيـه
يلعب على نفسه مع طلقـة لسـان=
انـه خـذا موقـف واسمـه بليـه
يا محمد بن الذيـب ولا ياضيـدان=
شعّار عصـر العولمـه الأسبقيـه
قريت في بعض الكتب اسم راكان=
من دون كلمات الفخـر والحميـه
وأيقنت في أن الشعر بعض الاحيان=
يروي حكايـات الشعـوب النديـه
وتخيل ان الوقت يجري والأزمـان=
أجـاري الأوضـاع والنـار فيـه
تحرق كرات الدم في داخل انسـان=
عسـى يشـوف بيوتـه الممتليـه
وأنا وقافي وأصد القـول عنـوان=
لأهل الجزالـه والبيـوت الوفيـه
وانشد دلال الشعر وان كنت غلطان=
كسـر فناجيلـي وعقـب يـديـه

تحياتي .. للجميع


أخوك / خالد العجمي << ع لسانه

[فلاح بن ملبز]

صح لسانك يا ابو سعود .. وصح لسان ابو مسلم ...

وعزالله ان يستاهل كل خير

ويعطيك العافية على هالنقل الجزل

ولاهنت

[••الــــــــــــــــــريــم••]

صـــــــــــح لسانك ولسان من قالها..

قصيــده جزله ورائعه..

يعطيك الله الف عافيه أخوي " ابوسعود"

دمت بحفظ الرحمن..,

[زمانك]

أبشرك يا مسلـم البـال طربـان
فالشعـر عنـدي فلسفـه شاعريـه

أرتب المعنى على عـدت أركـان
وأجاري بيـوت الشعـر مـا عليـه

نا على خبرك جبـل يـا كحيـلان
والريـح هبتهـا تجـي موسمـيـه

الحمد لله وأشكره عالـي الشـان
خالـق عمـاد الكـون والجاذبـيـه

من صغر سني أبني الساس عمدان
ويامصغر الشمس وتضـئ البريـه





الله الله يااااسلام .. صح الله السان خالد مليون قصيده قويه وجزله



ابو سعود عزيزي على الاختيار الذوق والرائع لهذي القصيده الجزله

ولاهنت مليون مره .. والله يعطيك الف عافيه ...




تـحيه اعجاب لمن يستحق الاعجاب ...

[@الشيــــــــــــنه@]

صح لسانــه قصيده رائعه كسب من خلالها كثير من المعجبيــن


الله يوفقه انشالله


لاهنت على النقـــل الرائـع

[ال محفوظ العجمي]

صح لســـااانـه مليـــون


وشاكر لك على نقلك وذوقك ..

دمت بخير

[الــحـشـاشـــه]

أبشرك يا مسلـم البـال طربـان
فالشعـر عنـدي فلسفـه شاعريـه

أرتب المعنى على عـدت أركـان
وأجاري بيـوت الشعـر مـا عليـه



صح لــساانــه

يعطيك العافيه يا ابو سعود على النقل الطيب والاختيار الرائـع ..!

تـقبـل تـحياتي

[مــقــدام]

الله الله

صح الله اللسان الشاعر خالد

ولاهنت يا بو سعود على النقل الطيب

وتقبل تحياتي

وشكراا..

[بندر]

السلام عليكم

الاخ الغالي والغالي جدّا أبوسعود

بصراحه (والصراحه تزعل بعض الاحيان) اختيارك ماعجبني .!

يمكن خذتك الحميه له لانه عجمي؟!

اما بالنسبه لقصيده عادي واقل من عادي (اذا ماتبون مجامله)

وانا بقولك وش البيوت او المعاني اللي مال امها داعي في قصيدته:

خوالي الظفران من ساس قحطـان
هواجـرٍ زبـن الدخيـل و خـويـه


ونعم في بني هاجر يستاهلون المدح

بس الشاعر مايصير يبدّي قبيله ثانيه في مدحه على قبيلته

حتى لونهم خواله

وفي ربعي العجمان ماني بندمـان
أهل الوفـا وأهـل القلـوب النقيـه

مانيب ندمان وينهي رايحه؟؟

تحرق كرات الدم في داخل انسـان
عسـى يشـوف بيوتـه الممتليـه


الممتليّه؟؟

شلون الممتليّه؟

للاسف حشو في حشو

والقصيده بغض النظر عن الاخطاء اللي نوهت عنها

فـ هي عاديه عاديه وقد لاتصل لمرحلة القبول

أبوسعود انا اسف اذا كنت ضايقتك

لكن هاذي وجهة نظري

ولك كل التقدير طال عمرك

[مناحي الصميل]

اولا


صح الله لسان الشاعر



والشاعر سبيعي الأصل عجمي الجنسيّه هذا اللي وصلني

شكرا