@ ماظنــك بحاجة رجيــم ولابفـي حاجـة نظــام @

[عبدالعزيز اليامي]

الاهـــداء لقلوبكم الجميــــله


ولذائقتكم .... مرورها

عليك ما شالله (وقدك)...ما على مثلـه كـلام=الين من غصون النفل لاذعذع الغربي عصيـر
اليـاء تثنـى قمـت اقـول الله سلـم ياسـلام=واقراء عليه الفاتحه (من كل شـراً مستطيـر)
واقول سبحانك ياربي كيـف سويـت القـوام=يالله تحرسه من عيون الناس وعيون النظيـر
من وين مالديت فيـك العيـن تلقابـك مـرام=يا الله عساني ماخلا منك ولالـي بـك خشيـر
لانك على قولة هل الحكمه خلاصـة لانسجـام=شي(ن) تعدى فن بيكاسـو وروعـة شكسبيـر
ماظنك بحاجة رجيـم ولابفـي حاجـة نظـام=ياجامعـة فـن العمـاره والنحـت ومايثـيـر
أبسط وصوفك ياجمل الخفرات تشبـه لانعـدام=والمستحيل - وغيرممكن - لا ولايمكن يصيـر
رواي علوك وان نزلت شوي تدخـل فازدحـام=ويضيق ثم يضيق كنك نازل (ن) في قاع بيـر
من بعدها يفـرج عليـك الله ضيقـك والمـلام=وتشوف فيه من السعه مالاهقيت انـه يصيـر
متقوس (ن) من كل صوب ومنزوي مثل السهام=واليا نطحته من خلافه غض طرفك (من نمير)
ياماخذ التفكيـر كلـه ماهـو بجـزء اهتمـام=يامالك(ن) قلبي ورورحي ماهو بحيـز صغيـر
خصرك يعلمني الصبر علـى علـوك لاستقـام=وردفك يذكرني لمـا قفيـت حظـك يالضريـر
وحاجبك مطلع شمس وخدودك مثل بدرالتمـام=من بينهاسيف(ن) صقيل ..ألا حرام انه شطيـر
وعينك لما سلهم هدبها كنـه خفـاق الحمـام=اليا نفض ريشه وقام يهـم وينـوي المطيـر
لبى غنجها كل ماغضت وسلـت لـي حسـام=قمت أتذكر سيف ابوطالب / وطلحه / والزبيـر
ماودي اقول انك كامـل وان حبـي لـك هيـام=لكني احيابـك وامـوت بكـل مابـك ياعشيـر
لانك لصدراهل الدلع/ والزين/ والفتنـه وسـام=وزينك على حتفي يشد العزم ويحـث المسيـر
وانتي تطرين الرجيم ونـوب تطريـن النظـام=وانا على شوفتك ميت والغـلا حبلـه قصيـر


خوكم // عبدالعزيز اليامي