السلام عليكم يا ذيابه
والمعذره انقطاعي عنكم في الاسبوعين الماضيين
واليكم
هذه القصيده للشاعر المرحوم::محمد بن مهدي مهذل الصقور رحمه الله
الى متى صبري تعدى حدوده.............وانا على ذا الحال ماسـجَ لـي بـال
مثل المريض اللي مسيره يكوده............يبغى على الرجلين ياقف ولا أحتـال
يونس على جسمه لهيب وبروده............وينزَل افراشه من الشمـس لظـلال
ملَوه ربعه وأَََيَسو من وجوده................مازلَ من يومٍ تـردَى بـه الحـال
وأبطى عليه الصاحب اللي يعوده.........وقطعت زيارة الأخ والعـم والخـال
يالله يامضفي على الناس جوده................ياواحدٍ لو كل شـي زال مـازال
منشي السحاب الي تقاصف رعوده........وبدبرته سقى الوطن عقب الامحـال
تفرج لقلبٍ كل هـمٍ يروده...............قامـت عليـه أحـزان دنيـاه تنهـال
يبست غصونه والظما شفَ عوده............يلعب به النسناس من حيث مامـال
أشوف وقتٍ كاثرات نكوده................توفـرت فيـه العجايـب والأهـوال
وقتٍ غدا ينعاف نقصه وزوده.................شره مع خيره مضـره وغربـال
بيت الشرف والعز زاحو عموده..................والمنصب العالي تعلَوه الأنذال
واللي مضى يصعب علينا ردوده...................العز راح وكلمة الحق تنقال
شفت الردي في مجتمعنا يسوده........... والراي يرجع له على كل الأحـوال
متقدَمٍ في الصف الأول يقوده..............يبغى الزعامه عقـب ماكـان نـزَال
في المجتمع واقف يفتَل اعضوده................في خاطره مافي وطنا له أمثال
ماكان شاف امنين جتنا وفوده...................ماغير جارٍعند ذربين الأفعـال
جداننا ماتعترف في جدوده.....................ولا ذكر له عندنا ملكٍ ومحـلال
واليوم ساسه قام يبدي جحوده...................صار ايتنكر ضايع الجدَ والخال
الطيب عند الحر باقي وجوده.................يوم الصنايع ضايعه عند الأنـذال
والعز يعرف مصدره من وروده...............واللاش يقصر ماورد كل منهال
ومن كذَبت دعواه يحضر شهوده...............والصدق عنده ينتهي زود الأقوال
وســـــــــلامـــــــــتـــــــــكــــــــــم
03-06-2004, 11:54 PM
العرض العادي
