لكن ابنشدك عن حاجه وعـدّ الصحيـح!=تضييع وقتـي معـك حـلال والا حـرام؟
قصيده رائعه واتمنى ان تعجبكم مثل ما اعجبتي
اتتهمنـي بجرحـك يالغـزال الملـيـح=ولاعاد تشـره وتلحقنـي عتـاب ومـلام
في ذمتي ماجرحتك ميـر كانـك جريـح=جرح المحبين ماهو مثل جـرح الصيـام
عزالله اني ماقلـت الا الكـلام الصحيـح=لاعـودة للكـلام اللـي عليـه الـكـلام
انت استغليت طيبة قلـب رجـلً صريـح=لاحب ضحى بروحه فـي سبيـل الغـرام
انقذقك من جور وقتك وانت قبلـه طريـح=في وحشة همومك ولا انت بـ.على مايرام
واهداك قلبً رغم جور الزمـان الشحيـح=ما يحمـل الا الوفـى والقـدر والاحتـرام
قال انت بلحالك اللي فيـه ميـر استريـح=وهاك المفاتيح فدوه لـك وهـاك الزمـام
انصح معك يحسبنك مثل نصحـه نصيـح=واثرك تنظر جنوب وبارق الوسـم شـام
ثلاث مرات مـن عينـي تقـوم وتطيـح=والرابعـه طيحـةً ماعـاد فيهـا مقـام
مع السلامه واخذهـا باللسـان الفصيـح=واسلم وسلم وعشرتنـا عليهـا السـلام
لكن ابنشدك عن حاجه وعـدّ الصحيـح!=تضييع وقتـي معـك حـلال والا حـرام؟
عبدالله بن قنيص
العرض الشجري