فـي لابتـي فـي محزمـي فـي ربعـي الوافيـن يـام

[البليهي]

السلام عليكم ورحمه الله وبركاته


الف مبروك فوز خويانا والله يجمعنا على المعزه



هذي القصيده المتواضعه حبيت اهديها لكم واسمحو لي على القصور

في لابتي في محزمي في ربعي الوافين يام=جيت اكتب ابيات(ن) تجملني وانا كفون لها
سلام يا ربعي هل الماقف رفيعين المقام=سلام ياصل للصدور الين يبري غلها
سلام يا جمع(ن) يشوق العين حزات الزحام=تضرب جموع عداك لين تروعها وتعلها
سلام يا ربع(ن) لهم في صفحه الهيجا وسام =اهل المراجل والشكاله والقلاعه كلها
ربعي هل الصملات ربعي ماعلي من الكلام=ربعي هل الردات ربعي لاحتمت نشتلها
فينا الظفر..فينا الفخر..اشراف..حن راس السنام=ربعي معنزه النسب من قربها ما ملها
وعيل ويا عجيم اشققا وابيهم الوافي هشام=افعالهم تذكرولا كلن قدر ياصل لها
وعيل يا ريف الضعيف مرويه حد الحسام=يا فزعه المضيوم يوم اللاش عجز يحلها
عجيم يا محزم فخر مانتوا بحيالله حزام=افعالكم تذكر دقايقها وتذكر جلها
مذكر ونعم(ن) بأل مذكر من نصاكم ما يضام=اهل المواقف والبيوت اللي يظلل ظلها
والنعم يالمرُه ومن يمدح خويه مايلام=خص الشجاع اللي ليا هاز المراجل دلها
يسقي نهار السبت وبل(ن) من مزابير الغمام=يوم ارتكينا للثقيله كل قرم(ن) شلها
يسقي نهار السبت يوم انباج من عيني الظلام=متفائلين(ن) باربع سيوف(ن) نبي نستلها
نستلها حسب النظام والا على عكس النظام=الحاجه اللي نحتميها لازم(ن) ناصل لها
من فضل ربي حط نيران العدو برد وسلام=واهل التحالف خابو وخابت مناديب(ن) لها
وختامها مسك(ن) وعنبر والتحيه والسلام=على الرجال اهل الوفا واهل الحمايا كلها

.
.

[سلطااان العتيبى]

البليهي


صح لسانك ولاهنت جزله من راس جزل وكفووو انت وربعك ويستاهلون



تقبل مروري

[البليهي]

مرحبا يا سلطان



صح بدنك ولاهنت على المرور المشرف


وما عليكم زود طال عمرك



اسعدني مرورك يالامير

[فــلاح]

البليهي

ياسلام عليـــك


ويستااهلوون ياام وانت تحري بهاا



صـح ألســـانك مدد وبلا عدد وبيـض الله وجهك ولاهنت



تحيــــاتي
طويــــق

[اخو شيخه]

ارحب ارحب

بيض الله وجهك ولاهنت

[(( سهيل ))]

يسقي نهار السبت يوم انباج من عيني الظـلام
متفائلين(ن) باربع سيـوف(ن) نبـي نستلهـا
نستلها حسب النظام والا علـى عكـس النظـام
الحاجـه اللـي نحتميهـا لازم(ن) ناصـل لهـا
من فضل ربي حط نيران العـدو بـرد وسـلام
واهل التحالف خابو وخابـت مناديـب(ن) لهـا
وختامها مسك(ن) وعنبـر والتحيـه والسـلام
على الرجال اهل الوفـا واهـل الحمايـا كلهـا

صح لسانك ملايين يالبليهى

[ناصر بن فالح]

الله الله

ولي عوده

[صـــبـــــــــا]

يا سلاام عليك يالبليهي

بيض الله وجهك والنعم بيااام كلهااا

صح الله لسااانك قصيده وافيه ...

تقبل مرور اختك صــبــــــآ

[جرير]

مرحبا والله بالقصيده وراعيها


صح لسااااااااااانك

لين ترضى يا البليهي



اعجابي ومتابعتي

[احمد بن جوفآن]

يا سلاااام يا سلاااام

البليهي

صح لسانك مليون ولا يكفون ..

ابدعت والله يالشاعر .. وكفو والله وانت تحريبها

ويستاهلون ربعنا ويشهد لهم ماقفهم مع الاربع سيوف على ماقلت وهم سيوف ..

البليهي سجلني من متابعينك يالامير ..

ولا تحرمنا من جديدك