ونين سعدون العواجي في ولديه عقاب و حجاب

[ولد ال صالح]

السلام عليكم

هذي القصيدة قالها سعدون العواجي

يرثي ابنيه (( عقاب و حجاب ))

وهم من فخذ ولد سليمان من عنزة

يقول:

ياونت(ن) ونيتها تسع ونات = مع تسع مع تسعين مع عشر(ن) ألوفي

مع كثرهن باقصى الحشا مستكنات = عداد خلق الله كثير الوصوفي

ونة طريح(ن) طاح والخيل عجلات = كسرة حدا الساقين غاد(ن) سعوفي

على سيوف(ن) بالملاقي مهمات = سيفين أغلى ما غدا من سيوفي

وعلى محوص(ن) بالموارد قويات = أسقي بهن لو القبايل صفوفي

احشم بحشمتهم ولو هن بعيدات = وأنام لو ان الضواري تحوفي

خليتني ((ياعقاب)) مابه مروات = عيالك صغار والدهر به جنوفي

من عقبكم مانبكي الحي لو مات = ولاني على الدنيا كثير الحسوفي

ياطول ماجريت بالصدر ونات = على فراق معطرين السيوفي

((ياعقاب)) عقبك شفت بالوقت ميلات = واوجست انا من يم بقعا حفوفي

مرحوم ياناطح وجيه المغيرات = ان جن كراديس السبايا صفوفي

مرحوم يامشبع سباع(ن) مجيعات = وعز الله انه عقبكم زاد خوفي

الخيل تدري بك نهار المثارات = ياللي على كل الملا فيك نوفي

والخيل تقفي من فعولك معيفات = تاطا شخانيب الرضم ماتشوفي

وسلامتكم...

وهذي من اطيب المرثيات

تقبلوا

خالص

سلااااااااامي

[العماني]

لا هنت يا ولد آل صالح على القصيدة التي تعتبر من درر الشعر.

تقبل تحياتي،،

[ابوحمد الشامري]

بيض الله وجهك يا ولد ال صالح وقصيدة غنيه عن التعريف وحزينه وتبكي الله يرحم سعدون وابنائه عقاب وحجاب.

تحياتي لك يا السنافي

[فيصل بن حجرف]

السلام عليكم

لاهنت ول ال صالح
وعزالله انهم يستاهلون من يون عليهم

تحياتي

[سياتل]

لا هنت يا الصالحي على النقل الجميل للقصيده الرائعه.

بس عندي شؤال لك و للاخوان الاعضاء.

ليش لم يتم ذكر الابن الثاني بالقصيده؟؟

لاهنت

[ابوتركى]

لا هنت يا الصالحي على النقل الجميل للقصيده الرائعه

والاختيار الاجمل تحياتى لك عزيزى

[ولد ال صالح]

أبو حمد الشامري××××××××××××

حياك الله والله لا يهينك على المرور العزيز

العجمان بالإنقليزي________________________

لاهنت وعز الله صدقت يستاهلون كل خير بعد

الله يغفرلنا وياهم


سياتل -------------------------------------

حياك الله ولاهنت على المرور المبدع

وجواب سؤالك

هو عم فيها الولدين لكن كان سعدون يميل إلى ابنه عقاب

اكثر

ويقول في قصيدته التي يستنجد بها لأبنيه

اسلم وسلم لي على عقاب وحجاب --- سلم على مضنون عيني إلا الفيت

وبالحال خص عقاب فكاك الأنشاب --- ينجيك كان انك عن الحق عديت

قله ترى شامخ شمخ عقب ماشاب --- وياعقاب والله ذللوني وذليت

سؤال وجيه لاهنت عليه.


ابو تركي++++++++++++++++++++

ولا انت الله لا يهينك

الله يعزك ويقبلك عنده

تقبلوا

خالص

سلاااااااامي

[ولد ال صالح]

الـــــــــــعـــــــــــمــــــــــاني

والله مادريت

لاهنت يالذيب على الرد الجزل الله لا يهينك

وتحياتك مقبوله

تقبل

سلااااااااامي