أسبق من الصوت وأمضى من السيف الشطير=وأسبق من السمع وأبعد من حدود النظر (سالم بن جخير)

[فهيد بن سالم]

الـسـلاام عـلــيــكـم ورحـمـة الـلــه وبـركـاتـه



صـبـحـهم / مـسـيـهم بـالـخـيـر

الله انك تستر الحال وتعز الفقير=يا معين الصابر اللي علي الشدة صبر

يا مغيث المستغيث ومجير المستجير=من عذابك مالنا لا مكان ولا مفر

جعل تسقى قبور الاجداد بالوبل الغزير=وتصبح القيعان من حولها عشب وزهر

يوم كان الناس للناس والدنيا بخير=والبدو منهاجهم غير منهاج الحضر

ويوم كانت شبت النار فالثلث الأخير=والدلال الصفر والنجر وبيوت الشعر

يا وجودي وجد شيخن قضى عمره كسير=لابرى جرحه وكسره جبر ولا جبر

كان قايد جيش والموت لامن جا يغير=ايتحزم للثنادي وضربه فالصدر

لين جاته ضربة الغدر من كف الحقير=سود الله وجه راع الخيانة والغدر

وين ابلقى لي رفيقن على الشده نصير=لا نخيته صار زبده مثل زبد البحر

لا تعزوى سل سيفه وطلوح بالجفير=وقال وين؟ وقلت لعيون براق النحر

راكب للي كن جنحانها جنحان طير=كنها حزن تعلى عن القاع وشهر

أسبق من الصوت وأمضى من السيف الشطير=وأسبق من السمع وأبعد من حدود النظر

وأثقل امن طويق وأخف من حب الشعير=واللطف امن الورد وأقسى شوي من الصخر

شوفها غير وركوبن على الكشنات غير=ولا بغيت الجد كنك تمشي في قصر

ليت عباس ال فرناس شاهدها عصير=كان ما خاطر بنفسه وحاول وانتحر

كلها هيبة وعزة وتطمح للامير=ما تجي عند.. ولا عند

لا استدارت كن ذا الكون كله يستدير=ولا استقامت تسحر عيون وقلوب البشر

ولا اعلن الكبتن وقال استعدوا للمطير=شلعت في رمشة العين وبلمح البصر

من ديار العز والطيب والخير الكثير=نطلقنا من الكويت وهبطنا في قطر

جيت من واقع محبه ومن قلب وضمير=لجل عين اللي غلاها تمكن واستقر

في شراييني وقلبي وفكري والنظير=كل ما طولت عنها يجي دمي فقر

واتفقنا فالمحبة وتقرير المصير=واختلفنا في المبادي ووجهات النظر

ما هقيت ان المحبة تبي دهنات سير=لين قالت ويش ابي فيك يا وجه الفقر

كان تبغيني على طول يا سالم جخير=لا تعزوى بالعذارى وحسكات الوبر

خيلا الحرشا بصوتن يشيب بالغرير=ارس يا قلب المعنى ووقف يا شعر

واهني إلى من الحب قلبه مستخير=ما اشتعل قلبه من الحب لين اصبح جمر

والمحبة تشعل القلب نبضات وسعير=كلها حزن ومعاناة واشواق وسهر

والمحبة كنها الحزن في وجه الاسير=لاقضي صبره ودمعه على خده حدر

والمحبة كنها العلم في وجه النذير=لا ارتفع صوته ودقت مزامير الخطر

المحبة حمل والحمل في ظهر البعير=والبعير شعيل يا اما رغى ولا هدر

والمجرب في المحبة يسمونه خبير=يستشيرونه ويعطي مواعيظ وعبر

وان ذكرت العلم الأول بقى العلم الاخير=حالفن ممشي ورى النفس والقلب الخضر

وســوالــم