ثار وقتيل .. وابعاد التركي :)

[قبلة العذارى]

سـلام عليكم .. ومساكم خير وورد جوري


للتواصل مع الشعر العام .. فااااخره لـ ابعاد التركي .. اضعها بين ايديكم


استلموا ..

\
/
\

الشوف من عبرة الخافق يلد .. ويفوح=والدمعه اللي بجفن الليل ثار .. وقتيل

تضمى سراب النهار .. ويعتريك النزوح=ومزاحم الوجد في طيّات قلبك نزيل

تروى عبث لحظة الماضي .. وفكرك شطوح=كم تاه بك عن جديل الغيم كف البخيل

ماجاد به وقت ضيعه الزمان اللحوح=واطلق خطاويه في صدر السقيم العليل

لاصرت ماعاد انا مخطي .. ولانت بسموح=صافح وداعك .. ودوّر للحنايا بديل

فقلوب الاحرار ماتلقى [للاسرار بوح]=يفنى بها العمر عن غدر الزمان الطويل

يتوه عقبك سلام الحال .. واحياك روح=مثلي يحدّه على دربك كثير .. وقليل

لك هيبةٍ تعتلي في نايفات الصروح =واسمك تمثّل به المجد المسمى مثيل

مرقابك النجم هامة مبعدين الشبوح=عليك اثبت دروبي .. وانتحى لك واميل

الله ومرني على داعيك اسج السروح=وانكفت بين الرجا والياس .. صبرٍ جميل

الشمس ماهي صباح لمدميات الجروح=ياليل ماسقت فجرك من ثلاثين ليل

البحر واهج زراقه برتحالك يلوح=تضيع به يمة الدنيا .. ودربك سبيل

وسلامو عليكم