إن تديّـنـت الخــطـا واجـب أســدد خــطــاي...( لـلـتــواصــل)

[محمد المجول]

مادريت إن الذنوب..(إتسدد بعد حين)=لين دارت بي الليالي ..وعوّد لي خطاي
جمرت/ن بالجوف تحرق خفا حزن/ن دفين=كل ماكنيتها...إستثارت من هواي.
طال ليل الضيق..(والوقت حالف مايزين)=والمصيبه...كل ماله يزوّدها معاي.
إن رضيت بواقعي(مارضت صرخة غبين)=كني بمزون الغضب..والشقى تملا سماي
أتحرى لمعت الشمس..(من كف السنين)=وأتعبر...لاسمعت الونين بصوت ناي
ماإجتمع لي غير هم النفوس بوجه شين=صحت وأفرحني الصدى...مادريت إنه صداي!
قلتها والحزن مكتوب..(من فوق الجبين)=وش علامك ياردى الحظ ..ماترحم عناي..!؟
كان ودك شوف دمعي على الوجه الحزين..=أشهد إني رافع الراس والعليا مناي
ماإنكسرت بليل قاسي..(وكلمه ماتعين)=ولاشكيت إمن الهوى...(ولاعرفت إلا سواي)
يامجاميع الهموم المريضه وش تبين..!؟=مالقيتي عندي غير الصبر يعكس قساي
ثابت/ن مثل الرواسي..ولاراسي يلين=أشتكي للي خلقني..وأبيّن له رجاي
لكن أعياني التعب..بين هم..وبين دين=والسنين اللي عطتني...بدت تطلب عطاي.!
والكرم فيني...(مثل نور شمس العالمين)=إن تديّنت الخطا...واجب أسدد خطاي..!