قصيده رشيد الكثيري في ال محفوظ كفو يالمحافيظ تستاهلون

[جادل ا لسعودبه]

والنعم بالعجمان ذربين الأيمان
من يام من همدان متسلسلينا
واخص أنا المحفوظ ماضين الأزمان
ما يوفي المحفوظ خط اليدينا
يوم انزلوا بالرس من عقب نجران
استوطنوا ثم اصبحوا مالكينا
والنعم بالمزيَد عدد رمل الأوطان
واعداد ما هلّ الهلال المبينا
واخص أنا المتعب نسل طير حوران
يا وارثين الطيب من وارثينا
والنعم بالمتعب كثر ورد الأغصان
واعداد ما كبّر من المسلمينا
او عد ما يركب على الخيل فرسان
صالوا وجالوا ورجعوا غانمينا
فيهم رجالٍ تذكر بكل ديوان
والذكر يبقى مع مرور السنينا
يستاهلون المدح شيبٍ وشبان
وافعالهم لاشك علمٍ يقينا
يا ما حلا المجلاس في كل الأحيان
في مجلسٍ ننصاه في كل حينا
يا بو محمد يا سقى كل ضميان
علي ولد متعب طويل اليمينا
أنا أشهد إنك عندنا عالي الشان
ياللي بذكرك كل فرحة تجينا
مجلسك ما ينملّ جهرٍ وكتمان
فيه القصيد اللي يسر الحزينا
والنعم بالعجمان لاقيل عجمان
سلايلٍ من يام متسلسلينا

[طلال بندر الهاجري]

صح السان شاعرها ومشكوووووره يا الجادل نقل

المدح الجميل تستاهل العجمان المدح لامهونه

في القبايل الاوخرا كلهم علي العين والراس


تقبلي مرووووووري وتحيااااااااتي لك مع جزييييييييل

الود والاحترااااااااام