سولفي مثل المشاريه في صوت الحشيم &&& واسكتي مثل الشفايف ليا طاح القناع

[مغتـــــرب]

السلام عليكم ورحمة الله وبركاته




الله يسعد مساكم اعجبتني ونقلتهااا لكم عساااهااا تنال اعجاابكم

هيه ياللي غرك الليل وغراك النديم = هيه ياللي هزك الشوق والمسرى ضياع

وقفي بين الخطأ والصراط المستقيم = وألعبي بين التراحيب وكفوف الوداع

وسولفي مثل المشاريه في صوت الحشيم = واسكتي مثل الشفايف ليا طاح القناع

واضحكي مثل النواوير في روضة خريم = واغرقي مثل مزاجات في غرب الرقاع

وابعدى مثل المتاهات في حلم اليتيم = واقربي بين السوالف و كتفي والذراع

وانظري لي نظرة الشوق للشي القديم =واغرقي بالدمع الأزرق مضاليل وساع

واصبري مثل المسافات في صبر الحليم = واسمعي صوت الهوى يوم فليت الشراع

يوم صرتي عود ريحان ورضاي النسيم = اصبري يا نجمة الصبح ما لصبح داع

قد طلبت الله وانا بين زمزم والحطيم = شوفتك يا أغلي ثنيه ليا صرتي رباع

العيون تجوع لك جوع والله العظيم =والعشا في عيونك السود وعيونى جياع

ان عطيتى مايرد الكريم ألا اللئيم = وان بخلتي قلت تكفين والدنيا متاع

اقبلي مثل التباشير في وجه الكريم = وارحلي مثل التعازى على موت الشجاع

للشاعر ضيدان بن قضعااان