من قصائد المبدع تركي الميزاني
ياعذابي منك ياموتي ويا حرماني
زابنك بالله تخفف عني اللي فيه
من عذابك وشهو اللي باقي ماجاني
في عيوني من عذابك صاير ماريه
وانت تدري كل ماتحتاجني تلقاني
يشهدالله عنك ماتقدر تشح يديه
بس تكفي لاتعذبني ولاتنساني
ضمني يانور عيني في حشاك شويه
كل ماشفتك تدخلني بعالم ثاني
عين تنظر لك بشر والثانيه حوريه
فيك شيطان الهوى يامنيتي وصاني
بالغلا والولف والتقدير والحنيه
والقصيد اليا بغيته فيك مايعصاني
يتباشر في وصوف عيونك السحريه
واوجودي لو اشوفك يابعد خلاني
و الله اني لحذف الغتره مع الطاقيه
كيف انا المجني عليه وكيف صرت الجاني
لعنبو حظك ضبطت الخلطه السريه
لين من طيشك ومن حبك نسيت اخواني
صرت اجي واروح لاهاذي ولا هذيه
والهوى هو حاكم شعوري وهو سلطاني
لاحصل لي منه لارحمه ولا ماويه
اشهد انه راح فيها تركي الميزاني
والله اعلم وش تكون الخلطه السريه
ممــآ رآق لــــــــــــــي
04-11-2009, 07:35 AM
آخــــر اسبــــوع لــــــي بالمنتــــــــدى
العرض المتطور
