انواع الرجال

[راعي الجرباء]

قال الفطين يشب النار واحد ويطفيها عشرة
واللي يشبها مايحترق جسمه لويحس بلهبها
ضاري على علوم اهله اللي تزيدة وتنورة
وغيره من عيال الناس العلوم هذي ماحسبها
قالها من فطنها امشى عليها تلقابها مسرة
ومن يعذل رجله عن ممشاها حياته خربها
وانت ياللي نارك طافية مابعد ولعت جمرة
شف نار العرب تشب واشلون حابت حطبها
النارمايشبها الارجل يمناه لامدت ماتنكرة
لسانة حصان لاتكلم الناس وقفت عقاربها
رجل لانخيته جبال طويق لاطاحت ماتكسرة
مشهود له بالهيجاء رموشه مايتحرك هدبها
رجل لاجيته بيته من الكرم تقول مابـــذرة
ماتدري ان الشهامة حياته يموت ويحيابهـا
رجل لاجاته الزله من ولد عمه اعــــذرة
يكسب المخطي لين يعتذر عن زلتن ارتكبها
رجل بالمواقف يذهلك براية وشــــــورة
لاحكى كن حكيه قصيدة ماحد بالشعار كتبها
وانا ناري تشتعل من شافها انعمى بصرة
من طيب اهلي وابوي وجدي انعرف طيبها
كتبتلك اجود انواع الرجال بسطر لاتشطره
خلك على ممشاها ولايهمك وشهي مذاهبها
الطيب ماله اصل ولامله ولاوطن يستعمره
انخلق بقلوب اهله اللي تعرفله وتحبه ويحبها