تخافين على نفســڪ..!! [ قصه من الواقع ]

[جروح الايام]

وطول ذاك الليل وانا اصيح لدرجه ان اهلي خافوا علي وودوني المستشفى
طبعا الدكتور في الطوارىء حولني عالطب النفسي لانه مالقى فيني شي
وبعد مارجعت البيت جاتني حاله الصداع لدرجه اني عاصبه راسي واصرخ وبطني اسهال
واستفراغ لدرجه ان امي شكت فيني تحسبني حملت من زوجي يوم شافتني ادوخ واستفرغ
ياحليلها امي وشلون احمل وانا توني متملكه



المهم كرهت الرجال وكرهت سيرته وكنت ناااااااااااااااسيه تماما موضوع الأذكار ووووو
احسب اني صرت طيبه
اثارني بأول المشوار
كرهته واتصلت عليه وقلت طلقني تخيلوا مالي يوم من تملكت الغريب انه هو بعد عنده نفس الشعور
يقول حتى انا كنت اعد الأيام عشان نتملك ويوم تملكنا ضاق صدري واحس شي يصدني عنك
قلت احسن يالله ارسل ورقتي



ما تتخيلون وش كان موقف اهلي وش كان شعورهم محد مصدق اللي صار لي ولا احد مستوعب
ويوم جاتني ورقتي حسيت اني في غيبوبه وقلت انا وش سويت في نفسي
وش صارلي ؟؟ وش فيني انا ادري في داخل نفسي انو فيني بلا بس ماودي اصدق لاني عارفه اني بتعب



المهم بعد الطلاق اهلي جزموا ان فيني بلا اما مس ولا سحر
وانا رجعت لخرابيطي اغاني وووووووووووووووووو
والأكثر من كذا قمت اترقص قدام المرايه في نص الليالي
وصرت ما احب اتزين الا في الليل وطول اليوم قدام المرايه بس اتفرج بنفسي مدري وش فيني والله ماكنت كذا لا واكثربعد



استغفر الله بغيت اكفر قمت اوسوس بربي واقول مافيه رب
وبغيت اعبد الشمس توقعتها ربي وصرت اميل للمسيح كثير
وكنت ناويه اشتري الصليب واللبسه طبعا كل هذا من المس ياربي عفوك بس
صرت اكره اصلي واكره الأذكار وفي يوم جاتني عمتي وعطتني رقم شيخ
وقالت كلميه ضروري جدا جدا قلت وش اكلمه ابي فيه
قالت كلميه وقولي له كل اللي تحسين به وهو بيعلمك
قلت بسم الله علي مافيني شي والله انكم مجانين طبعا هذي عمتي من اول ماشافتني وانا صغيره وهي حاسه اني فيني شي





لزمت علي واصرت علي اكلم الشيخ ونبهت على اهلي وحرصتهم وقالت لهم خلوها تكلم الشيخ ضروري
وطبعا امي ياحليها على طول شحنت لي جوالي وقالت كلميه مو من عوايدها تشحن لي
المهم كنت خايفه وضايق صدري لاني داريه انه بيقولي اشياء تضيق الصدر
واتصلت وقلت له كل شي حتى عن ميولي للمسيح



وقالي اني معشوقه من جني حسبي الله عليه وقالي انه مستقر في بطني وما بيخليني حتى احمل
وانه بيتعبني كثير
ولازم لازم اقراء على نفسي وقالي قرايتك على نفسك افضل من الذهاب للمشايخ
وقالي قومي اقري سوره الحشر وعلميني وش تحسين وقال كلميني لو الفجر بس ظروري تعلميني وش حسيتي



وقريتها يابنات وبغيت اموت من ظهري وبطني واكتافي وارحامي وكلمته وقلت له
قالي المرايه غطيها بمنشفه او شرشف كبير من العصر لين الفجر ولا تتمنظرين واجد ولا توقفين قدام المرايه كثير لان الجن يشوفونك من المرايه
ولا تتعرين
ولا تسمعين اغاني
واقري في ملح وكبيه في زوايا بيتكم
ولا تنامين لحالك ولاتجلسين لحالك الجن ما تأذي الا الشخص الوحداني مثل الذئاب تأكل القاصيه من الغنم
وقالي اشتري زيت زيتون واقرء فيه سوره البقره والمعوذات وادهن جسمي من اعلى راسي لين اصابع رجولي بالزيت يوميا
وفعلا سويتها الله لايوريكم قمت الصبح وعيوني متنفخه ويطلع منها صديد طبعا انا محسوده على عيوني وشعري
وجسمي كله حبوب و جروح



طبعا كلمته وقلت له قالي استمري الغريب يابنات اني كنت اشم ريحه مقرفه في الزيت
ريحه جيفه وريحه دم وقريت التاريخ طلع الزيت جديد واقوم وادور بالزيت على كل اهلي واقول لهم شموا
وكلهم يقولون مافيه ريحه الا انا الوحيد ه اللي اشم الريحه الشينه واتصلت بالشيخ وعلمته
قالي الجن اللي فيك يكرهك بالريحه عشانك اذيتيه بالزيت والرقيه
وقالي لازم لازم تكملين دهن جسمك



والله يابنات اني اتلثم وادهن جسمي عشان لااشم الريحه وان شميتها احس بغثيان فضيع
بس ما افتكيت قام يأذيني بالنوم والله اني صرت اخاف انام والنوم هذا بالنسبه لي عذاب
احلام وكوابيس وقطاوه تعضني واشياء مخيفه



المهم قالي لازم اقرء سوره البقره كامله بجلسه وحده وفعلت قريتها وانواع العذاب
انتفخ بطني كني حامل وقمت اسمع نبض وطقطقه في بطني والله والله اني احس به وهو يتحرك في بطني لين قريت لاني احرقته بالقرايه



وصار يأذيني بطريقه ثانيه اذا جيت اقرء يكبس علي النوم حتى لوني توني صاحيه
صرت احيانا انام وانا اقرء قالي الشيخ حاولي ماتنامين لانك اذا نمتي ماتستفيدين من القرايه
وحذرني من النوم وقت المغربيه او بين العصر والمغرب لانه وقت تطلع فيه الشياطين
وكملت قرايه وقام يطلع مني دم اسود



وانا اقرء واقرء في البدايه كنت ابكي ويضيق صدري لكن بعدين خفت الحاله الحمد لله
لكن النوم عندي عذاب لانهم يأذوني بالنوم حسبي الله عليهم وصرت اترجى خواتي ينامون عندي وفعلا ناموا عندي لكن الجن ماخلوني بحالي صاروا يأذون خواتي بعد لدرجه ان اللمبه تصير تولع وتطفي من نفسها في البدايه كنت احسبه كهرب او اللتماس لكن بعدين عرفت
واي وحده من خواتي تنام عندي يأذونها لين صاروا خواتي مايدخلون غرفتي ابد ابد



وصرت احب الخشوم عشان احد ينام عندي مافيه فايده
وصرت اغريهم بالفلوس مافيه فايده لدرجه اني صرت انام عند امي من الخوف تخيلوا
والله اني صادقه وفي يوم كنت جالسه تحت مع خواتي طبعا خلاص حرمت اجلس لحالي
المهم نزلت وحده من خواتي وقالت لي غرفتك فيها اغاني استغربت وخفت
وقلت وشلون انا ماشغلت المسجل ابد
وفعلا طلعت غرفتي واسمع من وراء الباب الأغاني وخفت مره ودخلت وسكرت الأغاني وحطيت سوره البقره



تعبت تعبت تعبت تعب مايعلمه الا ربي
وش استفدنا من التعري وش استفدنا من الأغاني وش استفدنا من التزين والشياكه غير الحسد والعيون
الشيخ قالي انو حتى لو انتي قاريه اذكارك ومحافظه على صلاتك وتسمعين القرءان كل شويه
بس جلستي لحالك او حزنتي بشده او فرحتي بشده ممكن يجيك المس
اعوذوا بالله



نسينا كلام جداتنا يوم يقولون لاتطولون بالحمامات موزين ونسينا يوم يقولون لاتجلسون بغرفكم لحالكم
ونسينا كل الوصايا والتحذيرات والله انهم صادقين مير الله يغفر لنا ويرحمنا ولا احنا في غفله





المهم الدوره وقفت معي استمريت عالقرايه 25يوم والدوره ماجات مو من عوايدها تتأخر كذا
تأخرت علي حول شهرين غريبه قلت ابسأل الشيخ وفعلا سألته قالي اقري سوره البقره على زيت زيتون واشربي الكاس كامل بنفس واحد وامسكي نفسك ولا تستفرغينه
وسويتها ااااااااااااااااه اااااه من العذاب اللي شفته

بغيت اموت



قالي الشيخ اني في ظرف ساعه راح اروح للحمام وانتو بكرامه وراح ينزل كل اللي في بطني
وحتى الجن اللي مستقر في بطني بيروح
وحتى دورتي بتنزل هذا طبعا اذا كان الجني ضعيف اما اذا هو قوي والقوي الله فأن الموضوع مطول



وقعدت يابنات 3 ايام ما اروح للحمام انا بالعاده كل يوم بس من بعد الزيت مارحت ابد
واتصلت بالشيخ وقلت له
قالي استمري عالزيت اشربيه يخ
طعم ماتتخيلونه وسويتها مرتين والحمد لله نزلت دورتي مثل النافوره



بغيت اموت ذاك اليوم والشيخ قد قالي مااترك سوره البقره طول حياتي حتى لو على الدوره اللبس قفازات واقرء
لان المس ممكن يرجع خصوصا اذا صار عاشق تشوفينه يتربص لك لين يرجع لك ويدور اي وقت واي فرصه حسبي الله عليه
وبعد ماتميت 50 يوم من قرايتي تحسنت بشكل ملحوظ الحمد لله ماشاء الله تبارك الله
وارتحت كثير واللتزمت وصرت ما اسمع الأغاني ابد ولا اطيقها



وصرت اتستر واتحشم تغيرت كثير خصوصا بعد ماقالي الشيخ انو الجن والشياطين يجتمعون عند اللي يشغل اغاني ويقعدون جمبه ويصفقون ويرقصون
تخيلي نفسك وانتي تتسمعين اغاني والجني جمبك يرقص ويصفق اعوذوا بالله بسم الله علينا
المهم



انخطبت الحمد لله وتم الموضوع على خير واول مره ما احس بشي لاصداع لاتعب لاغثيان
ياربي من فضلك الحمد لله ماشاء الله تبارك الرحمن
وجااااااااااات يوم الملكه وانا ما تأدبت ولا اتعضت
فكرت اني خلاص طبت ومافيني شي ونسيت الشيخ يوم يقولي لاتتعرين ولاتتزين كثير ولا توقفين عند المرايه
ومن وقاحتي بعد اتصلت بالشيخ وقلت له انا بتملك وابي اللبس فستان عريان



قالي لا لاتتعرين انتي تبين تتعبين مره ثانيه ماتعلمتي من خطاك
تبين البلاوي ترجع لك مره ثانيه؟
قلت له السوق مافيه الا كذا وانا وش اسوي يعني
بعدين في بنات اجمل مني وابيض مني واحلا مني ويتعرون ويتزينون ووووو
بس ماصار لهم شي وش معنى انا





قالي مو كل الناس سوا البعض يتأثر بالعين على طول والبعض الأخر لا
سبحان الله الناس مو مثل بعض
فيه ناس بسرعه ينحسدون وبسرعه يتعبون وفيه ناس لا ماتأثر فيهم العين
حتى ولو مايقرون اذكارهم وحتى لو ماهم مسلمين شوفي الغرب لاصلاه ولا عباده
بعضهم فيهم مس والبعض الأخر مافيه الا العافيه



بعدين مو شرط الناس يصير لهم مثل بعض
بعضهم فيه مس لكنه متزوج وعنده عيال
وبعضهم فيه مس وماهو قادر يتزوج وبعضهم مسحور وعنده عيال ومتزوج وبعضهم مسحور مو قادر يقوم من فراشه الناس مو مثل بعض
فيه ناس تجيهم عين بالصحه في ناس بالشعر فيه ناس بالجلد فيه ناس بالفلوس فيه ناس بالعيال فيه وفيه وفيه
الله يشفينا ويشفيهم



المهم انا عقلت وقلت خلاص ابنتبه لنفسي والحمد لله لبست لبس ساتر وقريت اذكاري
وتملكت والحمد لله مشت الأمور على خير
وصرت ادرس بالتحفيظ وصرت اعرف اكثر عن السحر والمس والعين وبعدين اشتغلت مع مطوع يقراء عالناس وصرت متطوعه معه وعلمنا اشياء كثير وصرت اعرف المعيون والممسوس من اول نظره بسم الله علي



وتزوجت وتركت التحفيظ بحكم ظروف الزواج وتركت بعد الشيخ اللي كنت اشتغل معه
ولهيت بحياتي وقمت اتزين واتكشخ واتمنظر احسب اني طبت
اصلا تركت القرايه لاني انشغلت خصوصا بشهر العسل
وصاروا الناس يزوروني وكل وحده تطلع وهي راصعتني بذيك العين اللي على كيف كيفك
طبعا انا من اول ماشفت زوجي وانا حاسه انه فيه شي

بس اني ساكته واقول ان شاء الله مافيه الا العافيه طبعا زوجي الله يهديه يسمع اغاني
واذا ركبنا السياره شغل اغاني ورجع لي المس



كيف عرفت ؟؟

طبعا اذا فيك شي لاحظي نفسك راح تحسين ان جسمك من جهت اليمين يقشعر
خصوصا اذا سمعتي اغاني او احد طرى لك قصه مس او عين او او
وكل يوم كنت اقول ابرجع اقرء ابرجع اقرء ولا فيه فايده



وزوجي حكايته حكايه طبعا النوم هذا مانعرفه
يفزز وهو نايم وحالته حاله واحيانا يقول احس اني وسط غساله والدنيا تدور بي
واحيانا اذا قلت له قم صل قعد يبكي ويقول ودي بس فيه شي يمنعني
ااااااااه حسبي الله ونعم الوكيل





ومره كان نايم بالغرفه وانا جالسه بالصاله وفجأه قام يناديني قلت له وش فيك ؟؟ قال انتي دخلتي علي قبل شوي ؟؟
قلت له لا والله مادخلت ولاجيت
قال كان فيه وحده واقفه عندي وكنت احسبها انتي وقلت لها سكري اللمبه ولا ردت علي



وقتها دريت انه ممسوس
وصرت اقرء عليه تخيلو ان رجله تنتفظ وانا ماسكتها وكان يحس بكتمه وضيقه
واحيانا يبكي من رجلينه ولا يقدر يمشي



المهم قعدت اقرء على زيت وادهن جسمه كل يوم لين تحسن
لكن الأغاني مو راضي يتركها والأذكار مايداوم عليها

قلت مافيه الا خلطه الرومي جبتها وتسبحت بها انا بغيت اموت من ارحامي وزوجي يبكي من رجلينه وتكه بصدره



طبعا الخلطه تستخدمينها 7 ايام ورى بعض قبل المغرب ويوم جاء اااااااااااخر يوم
وتنقطع المويه في بيتنا ونرجع على طير ياللي والله اني حسيتها من الجن حسبي الله عليهم
طبعا اذا قطعتي يوم من السبعه ايام لازم تعيدينها من جديد
والله انها بحب الخشوم على مايدخل ويتحمم

المهم قلت مافيه الا اني اكلم شيخ واقوله وقلت له كل السالفه عن زوجي
قالي اقري سوره البقره وانفثي بماء واشربي انتي وزوجك ولاتعلمينه انك قاريه فيه
وسويتها طبعا قالي الشيخ اذا تبين الحمل اقري سوره البقره يوميا على طول
لانك فيك مس وطبعا مستقر في بطني



وفعلا قريتها شهرين
قريتها وتعبت وتبهذلت
وكانت النتيجه اني
حملت اي والله حملت يوم سويت التحليل المنزلي ماصدقت عيوني ورحت الدكتوره وسوت لي تحليل دم وطلعت حاااااااااااااااااااامل وقعدت ابكي واصرخ في المستشفى

واسجد سجود الشكر وحتى الممرضه قامت تبكي حملت وانا الحمل كان بالنسبه لي مستحيل
كل دكتوره تحط فيني عله لي سنتين وانا من دكتور لدكتور وكل واحد يحط بي عله



طبعا انا جاتني الغده من اول ماتزوجت على سبه عين
قلت لامي واهلي وكلنا فرحنا وطبعا يوم اني حملت خلاص نسيت كلام الشيخ مع اني المفروض احرص اكثر من اول



لكن ياليتني اتعلم
تركت سوره البقره ونسيت كلام الشيخ يوم قالي ان المس يرجع
وطبعا زوجي الله يهديه هو وذا الأغاني الله يهديه ادعوا له يابنات
المهم تركت القرايه بالمره صرت بس اقرء الأذكار واحصن نفسي



وصرت احلم بناس يضربوني على بطني
واحلم بحماتي تبي تطيحني وتدفني
واحلم بناس وسيارات كلها تضربني على بطني



وقمت من نومي مفزوعه وانا غارقه بدمي بغيت انجن تمنيت الموت
ورحت المستشفى

وقالوا خلاص لازم تنظيف قعدت ابكي وابكي وقلت لامستحيل انزل الجنين خلوه فيني انا بموت


بس لاتنزلونه
تخيلوا الموقف
كنت فرحانه بالحمل الا طايره حتى تصوير السونار ملصقته على جدار الغرفه وبخلفيه الجوال وبخلفيه الاب توب
وبكل مكان بالبيت في صوره للطفل المنتظر
صرت كل يوم امسك الصور واسولف عليه
وشريت له هدوم واخترت له اسم




وانتو تبون تاخذونه مني تبوني اسوي تنظيف
لاوالله ماني مسويه خلوني اموت وفي بطني طفل ولا اعيش وانا بدون اطفال
كرهت نفسي وكرهت زوجي وحسيت انه هو السبب
كله من الأغاني كله منك



شفتوا المس كيف يسوي
لاتستهينون به
طبعا انا مارضيت اسوي تننظيف وصارت لي حاله تسمم وبغيت اموت وياليتني مت وارتحت
وبعدين سويت تنظيف والى يومكم هذا وانا احسب واقول لو اني ما اجهضت كان اللحين انا ولدت


استغفر الله ياربي تعوضني


والى الأن وانا محتفظه بصوره الطفل وكل يوم ابوسها واحضنها واحضن ملابسه واغراضه
وابكي وابكي وابكي انا اللي ضيعت نفسي
حسبي الله ونعم الوكيل حسبي الله على من اذاني في جسدي حسبي الله على اذاني في نفسي
حسبي الله ونعم الوكيل




فوضت امري الى الله يحكم بيني وبينكم يوم القيامه
وحسبي الله على كل شخص يرى مايعجبه ولا يذكر اسم الله عليه
حسبي الله عليه ونعم الوكيل
حسبي الله على من يحسد الناس ويأذيتهم ويسحرهم
حسبي الله عليه ونعم الوكيل




يابنات لاتهملون انفسكم اتركوا الأغاني
واتركوا التعري


وطيروا على اقرب عطار واشتروا خلطه الرومي
واستخدموها
وكسروا اشرطه الاغاني وشغلوا سوره البقره
حملوا الرقيه الشرعيه على الكمبيوتر واسمعوها يوميا




يالله يابنات نتعاون مع بعض ونتشارك ونحرق الجن
والله الله بالدعاء


واتركوا عنكم الزواجات تراها أكبر شر والجن يحضرون الزواجات ويقعدون يختارون لهم فريسه ويتربصون لها ويتلبسونها


انا سامعته بنفسي من وحده نطق على لسانها جني عند المطوع اللي كنت اشتغل معه




يالله هذا البرنامج


سوره البقره كاااااااااااااااامله يوميا +كاس ماء وتشربينها


زيت زيتون تقرين فيه سوره البقره كاااااااامله وتدهنين به جسمك يوميا


الماء والملح ياليتكم تعرفون وش يسوي اقلها اقلها يطرد الجن

كاس ملح خشن +5لتر ماء وتتغسلين به بعد ما تتسبحين يوميا يوميا
راح تحسين بتعب بس استمري


يعني تتسبحين عادي بعد ماتخلصين وقبل لاتطلعين من الحمام كبي الماء والملح على جسمك من والى بعدين اجلسي شوي بعدين غسليه واطلعي
+
خلطه الرومي مفيده جدا
+
الأستغفاااااااااااااار
الاستغفار
الأستغفار
يفتح الأقفال
ولا تنسون الأذكار يوميا
ودعواتكم