أخر العنقود ... لشاعر راشد بن فلوه

[مزاج بدوي]

يانبض خفـاق الشعـر ياوريـده ....يانسمة اليوم السعيـد وصباحـه

وشلـون ماتستاهليـن القصيـده ....وانتي وناسة خاطري وانشراحـه

ماودش أعطيش العلوم الأكيـده؟......في وسط قلبي ماتركتي مساحـه

وجهش ماشاءالله والبراءه تزيـده.....من الحـلاوه مايكـرر نجاحـه

يابنك حب اللي يبيـش ورصيـده......ياتاج راس الزين مدري وشاحـه

يار احة القلب الشقـاوي وعيـده......اللي لش من الشوق يكفخ جناحـه

لاتبخلين بكـل فرصـه جديـده......مادام فرصة شوفتي لش متااحـه

من ندر بيوت القصيـد الفريـده.......سويت لش في ساحة الشعر ساحه

اللي فتني فيـش أشيـاء عديـده......الزين.والسرالخفي.والسمـاحـه

وشموخش بوجه الضروف العنيده.......والثقل.والعفـه.وزود الصراحـه

تجولي في روض قلبـي وحيـده......قلبي لش من الشوق والحب وااحه

وأنسي هموم الوقت الأقشر وكيده......وأخذي مع جو الغرام إستراحـه

مفتون في لهجتش لأنهـا فريـده......واللي محليها بصوتـش بحاحـه

دخيل عطفش والصفات الحميـده......والليل فوق الشمس لأسدل جناحه

ماتبخلين بكـل فرصـه جديـده......ماداااام فرصة شوفتي لش متاحه