السلام عليكم ورحمة الله وبركاته
الله يسعد صباحكم ومساكم بكل خير
قصيده اعجبتني واتمنى انها تعجبكم كذلك
7
7
7
كل شي .. إلا دمــوعك .. جعلي لعـيـنك فــدى
بس .. لاترخص دمـوعك .. وانت لك هـالصدر بيت
نــاظريني .. جيـتـك مــقيـّد بصوتي والصدى
نــاظريني .. والله اني لآخــر دمــوعي بكيت
علـمــيـني وش بقى مني .. ومني وش غــدى
علـمــيـني وش خذت لأيام مني .. وش عطيت
ادري إن احـلام عـمـري ضـايـعـه مني سُـدى
وادري اني كل مـاجيـت ارتــوي منـّـك ضـمـيت
اذكريني .. كثر ماشـفتي على اطـرافـي نــدى
واذكريني .. كثر ما مـاتت بـي احــلام وحيــيـت
واذكريني .. كثر ما ضــاقـت بـي دروب المــدى
واذكريني .. كثر ما خــانت بـي اقداري ووفيـيت
واذكريني .. كثر ما جنـّـبـت عـن درب الــردى
واذكريني .. كثر ما للـعــز والـعــليـا رقــيــت
خابر اني .. لعتزيت .. آآكسر خشـوم الـعــدى
مـافـرح فـيـنـي ((عـدو)) وخابر اني لعـتـزيت
كــم رفيق(ن) عاش فيـني ..عاش فيني واهتــدى
وكــم رفيق(ن) زل فيـني .. زل فيني واسـتــحيت
والله اني .. كل شي اقــواه مني .. مــاعــدى
اني اصـبـح خـايـنك .. عز الله اني ما قــويـت
كيف اخونك (وانتي أول) من تـفرعـنـبـي هـدى
كيف اخونك (وانتي أول) من على صـدره شكـيت
اعــذريـنـي .. كــان حظي عـاثـر .. ومابه جدى
اعــذريـنـي .. كل ماجيـت ابتدي درب .. انتهيت
كل شي .. إلا دمــوعك .. جعلي لعـيـنك فــدى
بس .. لاترخص دمـوعك .. وانت لك هـالصدر بيت
الشاعر
جراح جمال العليان
منقووووول
تقبلوا تحياتي
13-12-2007, 02:26 AM
$ ... كيف اخونك وانتي اول من .............. $
العرض الشجري