هذه القصيده .. تبين الأم .. حبها لأبنها .. مع كل ما فعله بها ..
فلا أوصيكم أخوتي ونفسي ..بالأم ..بروها ..فالجنة تحت أقدامها .
هجرهااااااااا ابنهاااااااااا العاق
.
يوم انشدوني عن دموعي وانا امك =جاوبتهم وابعدتهـم عـن طوااريـك
ما ابغى اجرحك في كلمه تزيد همك =ما ابغى اقول ان السبب من تجاافيك
يومي لمست الصدر في يوم ضمك =نسيت انا اللي حولي وقمت ابكيـك
مدري انت عايش وارتجي لمس جسمك =او ميت واقول يرحمك واليـك
يا ماسهرت وزاد غمي لغمك =مـا ارتـاح ليـن تهتنـي فـي لياليـك
وياما اذا طولت نومك اشمـك =واتاكـد انـك عايـش لـي وارجيـك
وياما زعلوا مني خوالك وعمك =ويا ماهجرت اقرب قريب ضحك فيـك
وياما ذرفت دمعي واذا سال دمـك =بـراءه الاطفـال ماهـي بتنهيـك
وياما انتظرتك عند بابي وانا امك =واقول فـي يـوم تجينـي واحييـك
اخاف من يوم يجيني يغمـك =ويجيـك علمـي مـع عزيـز يعزيـك
انا على الله داخله ثم لمـك =ارحـم قليـب فـي تالـي الليـل يشكيـك
فكر في منهي صابها الضيم وظلمك =واذكر حشن ضمك وعسر المساليك
ودي اشوفـك قبـل يومـي ويومـك =لـو مـرة بالعـام الله يخليـك
مابيك تقطعني اذا امري يهمك =بقعد معك واضحك واسولف واحاكيـك
يا وليدي اذكر كلمه قـال فمـك =لا قلـت كلمـه يـووه قلبـي يلبيـك
واذكر زمان به فرااشـي بجنبـك =واذا شكيـت تقـول يمـه واسليـك
لا اشتد مابك فوق كتفي اضمك =ما ارتاح لحظه ليـن ربـي يعاافيـك
والختم لا جتك الرساله وانا امك =يمه تجـي ولا انـا ازحـف واجيـك
28-12-2007, 01:48 AM
يوم انشدوني عن دموعي وانا امك ،،، جاوبتهم وابعدتهـم عـن طوااريـك
العرض الشجري