ياكبر ظلمـك تسافـر مـا تودعنـي=ماكنك اللـي ذبحنـي ليـن حبيتـه (دره)

[فهد بن مطلق]

السلام عليكم ورحمه الله وبركاته

بكل بساطه (دره)


صلوا على النبي
.
.
.
.
.
.
.
.

الشعر يعني .. وبعض احيان ما يعني=والجرح ضيفٍ سكن بي والحشا بيته
الشعر ارضي .. يوم ان الهم زارعني=الشعر نهرٍ .. شربني يـوم صبّيتـه
سهّرت وجهي وكف الصبح يصفعني=كني بصمتي جرحتـه يـوم ناديتـه
ياما تحلمـت فـي قربـك ولوعنـي=قلـت اتحلـم ببعـدك لـو عانيتـه
يلعن ابو الحلم بس الحين طاوعني؟؟=لو ادري انه بيصدق كـان صحيتـه
ما انته لحالك عشان تقـول بايعنـي=كثير كسـروا ذراعـي يـوم مديتـه
اكذب البعد .. ليـن الهـم يقنعنـي=كني على كثر ما اذكرنـي تناسيتـه
قبل انتفارق وتنسى جرحي اسمعني:=وش فايدة كل جـرحٍ فـيّ خليتـه؟؟
ما قلت لك من (بعد) بعدك يسنّعنـي=هلحين شفني عمـا فالليـل سرّيتـه
ضايع من اللّه وطاري البعد ضيعنـي=تبـي تدلـه وطالـع ويـن وديتـه
ياكبر ظلمـك تسافـر مـا تودعنـي=ماكنك اللـي ذبحنـي ليـن حبيتـه
كم قلت يا آدمـي بعـدك يروعنـي=وياكـم جـرحٍ يجينـي ماتحريـتـه
اذكرني اليا نثرك الشوق واجمعنـي=واذكرني اليا حضنك اسمي وضميتـه
واذكرني اليا ذكرت الدمـع قطعنـي=وان مر في خاطرك رقمـي ودقيتـه