السلام عليكم ..
مشاركه من الارشيف
اتمنى ان تعجبكم مـع
اعتذاري الشديد لكثر
الانقطاع ..!
:
:
(( الشوق ))
الشوق حاله ما لها اي نهايه
مثل آلاوادم لا غدى نبضها حي
والشوق معْ آدم وحوّا بدايه
وسط الحنايا / حبّ وفراق واي شي !
يسري بنا من دون يتبع هدايه
كنـّه كذا فطره قطع عنه الضي !!
في الحب ياتي ماصرخنا كفايه
وبفراقنا ياتي يدوّر على فـيْ
وبغيابنا ياتي يتمتم حكايه
وبحضورنا ياتي مطـر واكثر شوي
الله يعز الشوووق سوّا ( ولايه )
جمـّع بها ميـّت وجمـّع بها حي !!
والله يعزّه حط للوصل رايه
يحمي بها كل المشاعر من الـ الـيْ !!
كم واحد ٍ دوّر لذاته عنايه
وكم واحد ٍ صار بحياته ورق طي
لين الزمن جابه لمنسي وتايه
واسقى حنايا تـْصحـّرت من جفا المـي
والشوق كافر بـسّ عنده درايه
في مذهب القلب وديانة هل الحي
لا صار طايش وانفعاله هوايه ..
ما جرّح احساس المـلا واشعله كـي !
يكفيك عن شوفه قصيد وقرايه
ويكفيني اني كاتبه شعر بيديْ
:
:
حسـن بن شتران آل صليع
08-10-2008, 10:02 PM
العرض الشجري