0
0
0
قد الكلام اللي أقوله واللي أذنـك تسمعـه
وكل كلمه قلتهـا لـك والله أنـي قدّهـا
كف أيدي فوق خـدك والله أنـي لطبعـه
مثل ماهو طابع بوجـه السنيـن وخدّهـا
أتق شر الحليم أذا غضـب مـن يمنعـه
كل هالدنيـا علـى راسـك يبـا يهدّهـا
المستحيل اللي تقوله من غيري يصنعـه
من خلقني ربي وأنا كـل صعبـه ندّهـا
بايع ٍ عمري ولانـي نـاوي ٍ أسترجعـه
والثمن ماخذه مبطي بالسيـوف وحدّهـا
ياقليل العرف خلك ساجد ٍ ( بالصومعـه)
وأحمد اللي خالط بسبع القبايـل عبدّهـا
أن كنت جاهل أنشد وكل ٍ يحـدد موقعـه
ولاتلخبط يالغبـي بيـن الهـزال وجدّهـا
هاك العلوم وثوبك اللي فوق ظهرك بنزعه
وجهك أسود مثل ليلك كان تبغـى تعدّهـا
ياغبي غرك زمانـك وأعجبتـك الأقنعـه
وأنت كنت تبوس رجلين الرجـال ويدّهـا
أبوك وجدك سيف جدي يبـرده ويلمعـه
ولاّ يسرح في نياق القوم وبرضوا يردّها
ياغبي حنا هل الطولات وأهـل المعمعـه
يومك أنت تحنّي شعر أختـك أو تكدّهـا
الردا لو قيل عنـا كـل لسـان ٍ نقطعـه
وكـل عيـن ٍ فعلنـا لاشافتـه بيسدّهـا
شاربين الموت من سن الطفوله نجرعـه
نارد أحياض المنايا ونرتوي مـن عدّهـا
حنا حنا من خلقنـا ماخلـق مـن نتبعـه
ولانصافح كل يمنـى بالخضـوع نمدّهـا
ألف مثلك وألف غيرك لانووّ بالزعزعـه
واحـد ٍ منـا بعصـاه ألفينكـم بيصدّهـا
0
0
م/ن
03-02-2009, 12:43 AM
حنا حنا من خلقنـا ماخلـق مـن نتبعـه...ولانصافح كل يمنـى بالخضـوع نمدّهـا
العرض الشجري