الشاعر المكسور ...

[ماجد المهنا]

السلام عليكم ورحمة الله وبركاته ..

أعزائي ..
أقدم لكم هذه القصيده .. واتمنى أن ترتقي إلى ذائقتكم ..

صلو عالنبي ..


( الشاعر المكسور ) ..

انفجـر لغـمٍ زرعتـه فـي ضلوعـي مـن سنـيـن = وانصـرع حرفـي ضحيـه وابتـدى ليـل الـظـلام

وأقبل ( الشرطـي ) يـدور .. كـود يلقـى شاهديـن = مالقـى غيـر القوافـي .. مـع أصابـيـع إتـهـام

واشهر ( الشرطـي ) سلاحـه وآمـر برفـع اليديـن = وكبلـونـي بالسـلاسـل .. واعقـدونـي بالـحـزام

وركبونـي وسـط ( جيـبٍ ) ماصـنـع لسايحـيـن = واسجنونـي وسـط سجـنٍ يشبـه أقفـاص الحّـمـام

واصدر ( المأمـور ) حكمـه بعـد شـور الحاكميـن = تسـعـة سنـيـنٍ حكمـهـا كلـبـوهـا بالـتـمـام

وقـد رمونـي وسـط عنبـر وامتـلا بالمجرمـيـن = ولبسونـي لبـسٍ امـحـق واجبـرونـي عالنـظـام

والرقـم ( واحـد و واحـد واحـد وبعـده اثنـيـن ) = علقوها فـي قميصـي مـن خـلاف .. ومـن أمـام

وامنعـو منـي الزيـاره واحرمـونـي الزايـريـن = واحرموني شوفة ( أمـي ) مـع خوالـي .. والعمـام

كلبـوهـا ذا الأوامــر طبـقـوهـا عالسـجـيـن = واتركونـي وسـط هـم .. وبيـن ضيقـات الزحـام

وبعد مده .. جانـي ( جنـدي ) مـن رجـالٍ طيبيـن = ماسـكٍ بيـده ( رسالـه ) وده إنــي مــا أظــام

مـن وليـفٍ فـي حياتـي يسـوى كـل الغاليـيـن = يجـري مجـرى عروقـي اللـي مقتحمهـا إقتـحـام

واكتبـت فـي ذا الرسالـه .. ذكريـات ( العاشقيـن ) = والمحبـه .. والمـوده .. بعـد مـا قالـت : ســلام

واذكـرت ذيـك الليالـي .. مــع ورود الياسمـيـن = والهدايـا .. والقصايـد .. مـع تفاصـيـل الـكـلام

وارسمت فيها .. دموع .. وحزن .. وآهات .. وأنيـن = واحلفت لي ما تعشـق .. العشـق مـن عقبـي حـرام

وبعدها فاضـت جروحـي .. والمآسـي .. والحنيـن = واحقرتنـي ذا الليالـي .. عقـب طـول الإحـتـرام

( الشاعر المكسور ) في عينه .. كتـب لـك حاجتيـن = الدمـوع .. وقلـب مـن حبـك غـدا مثـل الحطـام

صرت عقـب العـز .. رجـلٍ مـن عـداد الميتيـن = قلـت : ماغيـر ( الوصيـه ) .. وصلوهـا للـمـدام

سامحينـي يابنـيـه .. لــو قـدرتـي تسامحـيـن = وانسـي اليائـس دخيلـك .. لا تعيريـنـي إهتـمـام

وعيشـي أيامـك سعيـده .. كـود نوبـه تفرحـيـن = واشلعـي قصـه حزينـه مشقيتنـي عـام .. عــام

وبعدها ثارت دموعي .. وثـرت ( أنـا ) كالثايريـن = ما وعيت الا و( أنا ) اطعن شـوق شعـري بـإنتقـام

واصبح ( ثاني ) ضحيـه .. والسبـب حـزنٍ لعيـن = عقبهـا مـا عـاد تبقـى غيـر .. ساحـات الـعـدام

وقريت ( سوره ) من كتاب .. وقمت اصلي ( ركعتين ) = علهـا تاتـي شفيعـه .. علـهـا حـسـن الخـتـام

ولبسـونـي بـدلـةٍ تشـبـه سعـيـر الكـافـريـن = واشهر ( السياف ) سيفه .. وابتـدى رجـف العظـام

واحـدٍ ماظنـتـي مــن تـبـع نــاسٍ مسلمـيـن = عقبهـا لفـت عـروق الحلـق .. فـي حـد الحسـام

مـا وعيـت الا وصرخـه وافزعـت ذا النايمـيـن = اثـر ذا القـصـه حـلـومٍ راودتـنـي بالمـنـام !؟

وسلامة روسكم ..


واسمحوا لي على الإطاله ..



أخوكم / ماجـــد المهنا ..

[بحوور]

عليه افضل الصلاة


ماجد المهنا

صـــح كــــلك مليـــــــوون

على هالجزلـــــه ..

ولاهنـــــــــت ..




تحيــــــاتي وتقديـــري

[هند]

الله يسلمك

صح لسانك على هالأبيات الرائعه

ننتظر جديدك أيها الشاعر


السؤدد

[ابوحمد الشامري]

لا هنت يا اخي العزيز ماجد قصيدة رائعة ومعبرة صح لسانك يا السنافي

[العماني]

صح الله لسانك أخوي ماجد على ذي القصيدة الرائعه.

وزين طلع حلم

واستمر يالقرم ونحن من متابعينك.

تقبل تحياتي،،،

[بخيتان اليامي]

الاخ العزيز الشاعر ماجد المهنا،

صح لسانك والله يعطيك العافيه.

بيني وبينك لو أدري كان قريت البيت الاخير قبل أن أقرأ القصيده.

على العموم قصيده جزله من شاعر جزل.

أخوك: بخيتان اليامي،

[عـزام]

الله الله الله

عليك يا ماجد وش ذا الخيال الرائع


قصيده جزله من جزل صح الله لسانك ولا هنت يالسنافى


الولهان

[كويتي]

صــح لســانك اخوي ماجد وتسلم يميـــنك
يــا طويـــل العمر ولاهنــــت ,,

بنتظـــار جديدك

تقبل تحياتي
كويتي

[اطياف الماضي]

الله على خياااااااااااااااااااااااااالك ابداع من شاعر مبدع

لاهنت وصح لسانك

وفي انتظار رائعة جديدة

تحيتي لك

[فيصل بن حجرف]

قصيدة رائعه من شاعر اروع
صح لسانك اخي الكريم ماجد
وننتظر منك المزيد من الابداعات