قصيـده تنشر لاول مره من القناصــــــــــــــه..... لكــــــــــم

القنـــــاصه · #1 28-01-2005, 08:37 PM

هذه ابيات جاءت كرد على احد العجمان اللي الله يهديــــــــــــه
وهي تعبر عن نفسها واللي بيقرا الابيات بيفهم القصه
وللعلم كان بامكاني ارد عليه بنفس الاسلوب ولكن ترفعت عن الرد ويكفيه هالقصيده
وأتمنى التعليق بكل امانه وبدون مجاملات .

نحشم لابن حثلين ياطالب الـرد = ولولا الحشيمه جاك ردي براكين
تسبنا وحنا على اللازمه قـــــــد = قدٍ على مثلك سيـــوف وسكاكين
معربين الخال والعم والجــــــــد = ورجالنا فرسان نجد الشياهيــــن
ماهمنا منهو علينا تهـــــــــــــدد = ودرب المراجل مامشابه مجانين
طبع الرجال يكون في حكيهم حد = ولاينحكى التاريخ دون البراهين
سبيت حمران النواظر هل الشد = اللي لهم ماض ٍ بكل الميادين
ومن لايعرف مطير مايعرف العد = اهل الكرم عز الضعوف المساكين
اقولها ياهيه قافي عطى الجـــــــد = كالراسيات مطير سقم المعادين
والحشمه لسلطان شيخ ٍ مردد = راع المراجل منطقه بالموازيين
عجمان طول الوقت معكم على الود = ويبقى غلاكم منزله بالشرايين
ومطير بالهقوه على الجزر والمد = ولاهمنا هرج العواذل وواشين
وختامها ياصاح ابعد عن النـــــــد = قنـــــــــــــاصةٍ ندي يصيبه عمى العيين

للتذكير : اللي يحب ينقل الابيات اتمنى انه يتحرى الامانه الادبيه في النقل
حقوق النشر محفوظه للقناصه

فلاح بن مبخوت · #2 28-01-2005, 10:01 PM

صح لساااااانك ونعم ونعم ونعم مليون يردف مليون يا مطير

ومن لايعرف مطير مايعرف العد
اهل الكرم عز الضعوف المساكين

ونعم ولا يهمك كلام من قال وصح لسانك

عجمان طول الوقت معكم على الود
ويبقى غلاكم منزلـه بالشراييـن
ومطير بالهقوه على الجزر والمـد
ولاهمنا هرج العـواذل وواشيـن

وحنا معاكم على الود

قصيده جزله

وانستني القصيده من جزالتها اني ارحب فيك كعضوه جديده معنا

ويامرحبا ومسهلا بين اهلك وربعك واخوانك

ابن مبخوت

ماجد المهنا · #3 28-01-2005, 10:19 PM

السلام عليكم ورحمة الله وبركاته ..

الله واكبر .. انا اشهد ..

سبيت حمران النواظر هـل الشـد = اللي لهم مـاض ٍ بكـل المياديـن
ومن لايعرف مطير مايعرف العد = اهل الكرم عز الضعوف المساكين

مطير .. ونعم والله وافين وكلن وفيه حقه .. ( من حسب للناس يلقى له حساب ) .. والرجال اللي يذم روس العرب مافيه خير ..

والحشمه لسلطـان شيـخ ٍ مـردد = راع المراجل منطقه بالموازييـن
عجمان طول الوقت معكم على الود = ويبقى غلاكم منزلـه بالشراييـن !؟؟؟؟

الله واكبر .. ( القناصه ) .. رجلٍ في هيكل امراءه ..

كن كـ النخيل عن الأحقاد مرتفعاً = يرمى بصخرٍ فيعطي أطيب الثمر

( القناصه ) .. صح لسانك ..

شامخه .. تفوق الوصف ..

سجلي اعجابي .. بقلمك ..

ماجد المهنا ..

مـحمـد · #4 28-01-2005, 10:56 PM

الاخت القناصه صح لسانش ابيات جزله رد كبير من شاعره كبيره
ونعم بمطير قبيلة كبيرة باسمها
يستاهلون المدح

وانا هنا اردد بيت الشيخ راكان بن حثلين

الذم مايهفي للاجواد ميزان = والمدح مايرفع ردي المقاما

مطير والعجمان شى واحد اول وتالي مافيه شك واخيرا صح لسانك مليون ونتمنى ان لاتكون اول واخر قصيده تنشر هنا

بحوور · #5 28-01-2005, 11:50 PM

القنـــــاصه

يا هلا ومسهلا والله ,,

منورتنا يا الغــــلا ..

ونعم بحمران النواظــــر ..

وصــــــح كــــــلك مليـــــــوون على

هالجزلـــــــه ,,

ولاهنـــــــــتي ,,

تحيـــــــاتي وتقديـــري

السنـــــافية · #6 29-01-2005, 12:33 AM

صح لساااااااانج

ونعم والله بمطيرررر

وافي · #7 29-01-2005, 10:30 AM

وختامها ياصاح ابعد عـن النـد
قناصةٍ ندي يصيبه عمى العييـن

لابد من واشين وموذين

والف نعم بحمران النواظر

ووافيتك تبين معدنك الاصيل

دام حرفك الجزل وطيبك

وافي

Sha3ree · #8 29-01-2005, 10:35 AM

ومطير بالهقوه على الجزر والمـد
ولاهمنا هرج العـواذل وواشيـن

كفوووووو كفوووووو يالقناااصه

كلن عاارف قدره

واللي مرسله له القصيده الاحسن انش ماتلقينه بال

لانش كذا بتحرقين كبدش

واذا صار نفس الموضوع

عليش في البيت ذا

اذا اتتك مذمة من ناقصن / فهي شهادتن باني كامل

وصح الله لسااانش وجزززززله والله اني اقولها صاادق

ونعم في الجميع بدون قصور

وتقبلي اجمل تحيه

عـزام · #9 29-01-2005, 01:20 PM

القناصه

والنعم فى قبيلة مطير وفى باقى القبايل والاجواد

ابيات رائعه

صح الله السانك

العرجاني محمد · #10 29-01-2005, 02:30 PM

كفو يامطير ونعم الرجال ...

ومشكورة عزيزتي على هالقصيدة الرائعة