ناديت حتى غاب صوتي وولّـى ثم ذاب فيني صوتي اللي يناجيك

[بنت الزعبي ..]

السسسسسلآم عليكم ورحمة الله وبركااااته . . . !!



صبحكم الله بالخير

متواضعه أضعها بين أيديكم لعلها تنال أعجابكم . . . !!

:







ناديت حتى غاب صوتي وولّـى
ثم ذاب فيني صوتي اللي يناجيك

أخاف قلبك في خفوقـي تسلّـى
وانا الذي قاطع وريدي ومحييـك

كلن يقـول إنـك علينـآ تغلّـى
وش ذنب دمع اللي يحبك ويغليك

أحلف بربن فوق عرشـه تعلّـى
أضحك مع قلبي وهالعين تبكيـك

وآقع حياتي قـال خلـك تخلّـى
وإن ما نسيته موت قلبه ينسيك

وأنا أقول ألواقعـي ألـف كـلا
لأنك بقلبي شخص وافي وشاريك

إن جيت يمّي فز شوقـي وهـلّا
وأقول وينك كان زعلان نرضيك

وإن غبت عني شفت حزني تولّى
وأجر صوتي من عذابي واناديك

أخاف ترجع مـا تلاقـي محلّـى
تذبل ورود الحب ويجف وآديـك

يا وين تلقى لشمس عمرك مظلّا
وانا ظلالك وين ما رحت أخاويك

قضيت عمري بين عـلا وعـلّا
كله من أسباب التجافي وطاريك

حتى خفوقك من سواتك تحلّـى
قاسي كما قسوة زمانك وتاليـك

وأنا خفوقي بالمصايـب تملّـى
يموت ضامي وانت تحيا ويسقيك

والحال ولّى مثل ما الصوت ولّى
الله يعين الحـال والله يجازيـك




:
:


دمتم بـ أطيب حال


الشاعر : محمد عبدالله الشمراني