يافاتنـة قلبـي وشيـخـة خـاطـري ويــن المـفـر=وأنـا ولـي أمــر الـجـروح وشيخـهـا وأميـرهـا
الله يغـفـر الـذنـب والإنـسـان مـاهــوب يـغـفـر=بعض الذنوب أهون على المشتاق من تبريرها
ياكثـر مانيـب أعتـذر لـك بالظـروف وبالسـفـر=وأنـا أدري أن ماكـل مـره خيرهـا فـي غيـرهـا
جعل السنين فداك مـن صفـر إلـى غـرة صفـر=وفــداك حـامـل مسكـهـا وفــداك نـافـخ كيـرهـا
سرقت منها ماسرق خصرك من الظبـي العفـر=الـلـي تـثـنـى لـــه سـنـابـل بـرهــا وشعـيـرهـا
وش يزعلك وأنتي وأنـا روحيـن يحملهـا نفـر=وقلـوبـنـا فـيـهـا حـنــان أمٍ تـضــم صـغـيـرهـا
رياضك الخضـرا قفـر ورياضـي الخضـرا قفـر=مــن حقـنـا نـرعـى خزامـاهـا ونــارد بـيـرهـا
وصلت لآخر مرحله معـك وبديـت مـن الصفـر=ولازلــت اكـررهـا ولامـلـيـت مـــن تكـريـرهـا
لو عايدات النفط مـن شـط الجبيـل الـى الحفـر=طاحـت علـى حــظ بــدوي ٍ مايـعـرف يديـرهـا
مـا اختـار عنهـا الا مغاتيـر ومجاهيـم وصـفـر=ذود ٍ مـفـلـيـةٍ عــلــى حـيـرانـهــا وبـعـيـرهــا
مافيه بين النـاس مـن يسـواك يالضبـي العفـر=ان كــان ماجـازتـلـك الـدنـيـا نـــدور غـيـرهـا
أوب أوب أوب
صح الله لـ سان الداهيه مدغم !
ولاهنت يـآ رجم (تحسب لك)
03-11-2009, 02:43 AM
العرض الشجري