هاجوس الشعــــر

[%عــــــزوة %]

^


^



أو وجود اللي ورد له على تسعين بـاع



عدوا النزرين ذوده وهـو ربعـه قليـل



أو وجود اللي فقد ماقف القرم الشجـاع



محزمه في الضيق وأن جاه مختف الشليل

[%عــــــزوة %]

وقد ساقها ناصر على سوق الجزايل
شاركت اجمل عزوتي صبيان يامي

ثم شوشوا بك ربعنا قول وفعايل
ابشر بعزك والسعد والراس حامي

وان كان ياناصر تبي مني مثايل
شف كم واحد بالقبايل له حزامي

شف فوق راسك بالسما وشهو تخايل
بتشوف لك نجم وحواليه ازدحامي

هذاك يومك في قصيدك والجمايل
تجمعوا حولك ليا شد الحزامي

ادري بكم يالابتن تسوا قبايل
يالابتن تروي ضما من كان ضامي

[%عــــــزوة %]

نصحتك......قلت.......لا تحلم.......ترى بعض الحلوم حلوم
نهيتك.....قلت......ماتسلم......كسرت الشوك فيديني
سألتك.......قلت.......ماتعلم......بأن النصر للمظلوم
سجنتك......قلت.......تستسلم.......شكت منك شراييني
مدحتك......وأنت........تتبسم......بعيد من العتب واللوم
فهمتك......أنت.......ماتفهم.......رضيت أنك تخليني
لمحتك.......وأنت.......تترنم.......تغني للهوى المزعوم
سمعتك.......وأنت .......تتكلم.......هلا ياباقي سنيني
هلا بالطيب,,,, وأنفاس الغرام,,,,, وريحة المشموم

[%عــــــزوة %]

عفت الزمن ياصاحبي من بلاويه
وانا على بلواي صبري بنيته
شخص تغرك صورته من دعاويه
وليا بغيت بحاجته مالقيته
وشخص تشرف خوته من يخاويه
ولو يطلبك مالك وروحك عطيته
مثلك تقوده للمعاني هقاويه
يا مسندي ويا عزوتي لا نخيته

[%عــــــزوة %]

يمنى بـلا يسـرى تراهـا ضعيفـة
ورجل(ن) بلا ربع(ن) على الغبن صبار
الطيـر فالجنحـان مـحـلا رفيـفـة
واليا انكسر خطوا الجناحين ما طـار

[%عــــــزوة %]

والله ما أنسى صاحب ما نساني

لو طالت الغيبة وضاعت نواحيه

يبقى معي ما بين قلبي وعيني

والنفس من بد المخاليق تغليه

وأنشد عن أحواله بعاصف سنيني

وأرتاح لا زانت وطابت لياليه

[%عــــــزوة %]

فدوة عيونك لو غدت روح مغليك *** وش عاد لو راحت لعينك عشاير
ابيع مايغلى على الكون واشريك *** واسوق لي جتني اعلومك بشاير
وازعل جميع الناس بالحيل وارضيك *** واصبر ولو دارت على الدواير

[%عــــــزوة %]

غيرك امانه خوف والخوف امانك
ماكل من راعـاك تقـدر تراعيـه
حتى لو عليت بالقــلب شانـك
ابقى يتيم الحـب جرحي اقاسيـه
اعــذرك لا حطيت نفسي مكانك
لا صرت فاقد شي وشلون تعطيـه

[%عــــــزوة %]

جتني على طاريك عذبات الايام
ذكراك ساقت لي جميع القوافي
لك قلب له مع الطيب وقفات
وبين الضلوع الحانيه قلب صافي
لامن ذكرتك والليالي القديمات
فزيت من نومي لو كنت غافي

[%عــــــزوة %]

العذر والسموحه وهذا ردي
اعذرني ياصاحب الوجه الكريم

زلة لسان ولاتصير به ضدي
وان زعلت هذا وجهي يالحليم

وصار قدرك مثل قدر جدي
وان مارضيت صرت مهموم وغشيم

قاعد افكر فيك ويدي على خدي
انتضر ردك وصرت مثل السقيم

وده بالعافيه وانا بردك ودي
لكن الزمان يجري والله عظيم