عدسة / فلاح بن ملبز (28)

[فلاح بن ملبز]

مدخل ,ْ~

الكويت آغلى وآعز من القصيد
والقصايد في غلاها كايده
هي غناة الروح وهي كل الرصيد
من سكنها فرحته متزايده
هي شعورٍ عذب هي حظ ٍ سعيد
هي يدين ٍ ضاربة بالفايده
حبها يسري مع دم الوريد
حبها مثل الجيوش السايده
وعيدها ذاليوم ماهو بأي عيد
بالوفا شعب الكويت نعايده

مخرج ,ْ~
كل عام آلقى ترابطها يزيد
في ذرى من له سياسه قايده
شيخنا اللي دايم شبحه بعيد
شبح حر ٍ مايخونه صايده
ذاك آبو ناصر عسى عمره مديد
رايته كنها قصور ٍ شايده
وثوب داره دايم ٍ خامه جديد
لين صارت في سواها رايده
عيدي يا كويت يا كل الرصيد
وآنتي اللي وسط قلبي سايده