علوم وعلوم........(غزليه)

[مسفر بن جوخه]

وين اللي في قلبي لها علوم وعلوم=ياجعـل يفداهـا كثيـر الأسامـي
حتى اللي قال انه مع الوقت زيزوم=لأني أعرف انه على العد ضامـي
أبوه وجده فعلهـم يفـرق السـوم=بس الردي عـود علينـا حرامـي
يعني على قولت هل العين متـروم=ضعيف نفس وطامـعٍ بحترامـي
لكن أبرجـع قبـل ياتينـي اللـوم=من اللي غلاها بين الأضلاع سامي
بنت عليها القلب ما يعرف الصوم=تقول كافر ما يعـرف الصيامـي
اللي عليها العين ما تبعـد الحـوم=الى أقبلت كنها البـدر بالتمامـي
شيهانةٍ لا سمعت اسمي له اتشـوم=من زينها ما تنوصـف بالكلامـي
الله على اللي صابني برمح مسموم=سمه تغلغل ليـن نـاش العظامـي
ما ينفعه طبٍ على الموت محتـوم=موت الملوح يوم شـدوا الخيامـي
قولوا لها إن كان في الناس محروم=فنشهد إنه مـا يعـرف النظامـي
وقولوا لها إن كان في الناس مذموم=تراه من ينسى الوفا كـل عامـي

[سلمان بن ضيدان]

صح لسانك يابن جوخه ..،

جزله وراقت لي .،

تقبل ودي وتقديري ،،،،

[ناصر بوجما]

صح آلله إلــسآنك ؤ إعــتلى شـآنـك ...

جــزلـه مــن رآس جــزل ....


إخــيك / نآصر بوجمآ

[فهيد العازمي]

صح السانك واعتلا شانك وبيض الله وجهك وماقصرت علي الجزله

[محمد المحلكم]

صح لسانك يالامير شاعر ومن شعار وافين

[النقال]

يعني على قولت هل العين متـروم
ضعيف نفس وطامـعٍ بحترامـي


^

^


ياليت تشرح لي المقصود في هذا البيت ؟؟



ودمت بخير

[أبو حسنة]

صح ـآلسآنكـ وـإعتلآ شآنكـ

لآ هنت عـآ الجـزلة
تقبل مروري

ـإخيك:. أبو حسنة

[شيخة قبيلتها]

السلام عليكم ورحمة الله وبركاته

تسلم يمينك اخوي وصح الله لسانك ولاهنت ع الابيات الوافيه .

اللي عليها العين ما تبعـد الحـوم=الى أقبلت كنهـا البـدر بالتمامـي
شيهانةٍ لا سمعت اسمي له اتشـوم=من زينها ما تنوصـف بالكلامـي
الله على اللي صابني برمح مسموم=سمه تغلغل ليـن نـاش العظامـي

اطيب امنياتي ...
.

[مسفر بن جوخه]

حياك الله يا سليمان بن ضيدان
صح بدنك
اسعدني مرورك الكريم
الله لا يهينك ويرحم والديك

[مسفر بن جوخه]

ناصر بو جما
صح بدنك وما عليك زود يا بعد راسي
مرورك شرف
الله لا يهينك ويرحم والديك