محزمي سقم الحريب / ألف مبروك فوز الثويني !!

[سلمان بن ضيدان]

السلام عليكم ورحمة الله وبركاته


مساكم / صبّحكم
الله بالخير


أولاً أبارك للشاعر / ناصر بن ثويني حصوله على البيرق ويستاهل أبو عبدالله

هذي قصيده ألقيتها في حفل تكريم شاعر المليون ناصر بن ثويني بتاريخ 15/4/2010


صلوا على النبي

.
.
.
.
.

سلام يا روس الرجال ومحزمي سقم الحريب = ياللي تهدّون الجبال الراسيه من طولها
يا محزمي وقت الملاقا يا مدلّهت الغريب = يا محزمي وسط المعارك يوم عج اخيولها
مبروك يا راع الوفا والطيب والراس الصليب = يوم أنهم قالوا ترى حنالها وأنتولها
أنا أشهد أن لك لابةً راس الصبي منها يشيب = ياهولها يام العريبه فاللقا ياهولها
فالماقف الغصّاب تاقف دون شك ودون ريب = تبطش ولكن ما بطل في بطشها مفعولها
جمّلتنا في موقفً ما ياقفه ياكود ذيب = واشعيل دايم ما يشل ألا ثقال احمولها
أنا أشهد أن سدّك يابو عبدالله السد القطيب = وأنا أشهد أنك جبت مرجان البحور ولولها
والظن من صوب الرجال أهل الكرم لا ما يخيب = ندر الحرار امرويّة علط الرماح افعولها
الله يبيّض وجه منهم سعد عينً للصحيب = لا قيل هذي حملةً قالوا ترانا افحولها
وأخص شيخً لأعتزا فك الطليب امن الطليب = لا عدّو ازحول الرجال يعد ضمن ازحولها
راكان بن خالد وريث المجد والساس العريب = يكفي نباه ويكفي انْه يقولها ويطولها
يتوق للعليا ولا له غيرها شف ونصيب = نال المراجل يوم غيره عاجزً في نولها
وأخوه فيصل درع جنبه لا بدا الشان العصيب = فيه القصايد لا ذكر ما يختفي مدلولها
راع الكرم والطيب لا من زاد طيبه فوق طيب = ماهي غريبه يوم فيصل حاصدً محصولها
وأخوه مشعل لأرتكا للحمل لو أنه صعيب = ما قال غير الكايده متني يبي يدنولها
شيخً ليا منه حضر ودك حضوره ما يغيب = من طيب ساسه خيّلت غرّا رزم هملولها
وسعود بن سلمان طيبه للبعيد وللقريب = ياصل مواصيلً كثير الناس ما وصلولها
القاف لا من قلت أبو سلمان لا بدّه يطيب = أما على منقوضها ولا على مفتولها
الله يبيّض وجه من يقنب لجل ربعه قنيب = يا لين شفنا البيرق وفزعه على أصولها
في خاطري ذالكلمتين وقلتها والله حسيب = ما جيتكم ياهل الكويت ألا عشان أقولها

وسلامتكم

دمـــتم بــ ود !!