..{{ أقبـّـل يـــــديــك !! }}..

[الظبيه العنزي]

تخطـي علـي مـرار وأقبّـل يـديـك
بدال ما ازعل منـك اقـول السماحـي!

تخطي ، واسامح والخطا منك وارضيك
لـو كـان منّـك داميـاتٍ جـراحـي

تقـول لـي مجنـون واقـول لبـيـك
مجنون حبك صرت لـو كنـت صاحـي

حبك لجا بالـروح مـا فيـه تشكيـك
وسط الحشى ما عـاد يمحـاه ماحـي

ليتك من اقرابـي وانـا مـن دناويـك
يـوم الليالـي دون وصلـك شحاحـي

ولاحـدٍ يعاتبنـي ليـا جيـت ناصيـك
والله لـزورك فالمـسـا والصبـاحـي

ان كان ساحرني.. عسى الله يجازيـك
وان كان هذا حُب... فانتـه مُباحـي!!