(شيمه) قصيدة سالم بن جخير فـ بنت ناصر بن حمد ال خليفه ..

[جـْوُزيٌفُ الْعجٌميٍ]

السلام عليكم ورحمة الله وبركاته ..

يسرني ان اقدم لكم قصيدة الشاعر .. سالم بن جخير ..

في شيمه .. بنت ناصر بن حمد ال خليفه ..

وكتب سالم بن جخير هاذه الأبيات بمناسبة ولادة البنت الأولى شيمه لسمو الشيخ ناصر بن حمد آل خليفة ..

يامرحبا ياضيفة الدار والجاش = يامرحبا مليون قدر وحشيمه
بأسم الملك يامرحبا بش وحياش = واسم الوطن واسم النوايا السليمه
القلب بيتش والمعاليق مركاش = وعوج الضلوع تصير لش مستقيمه
وتصبح لش اقلام وتعدد مزاياش = ويسيل دمي لش حبر سيل ديمه
الين يكتب من على كف يمناش = انتي على سطح الثريا مقيمه
والى نزلتي للثرى يحسب اخطاش = ويصير له بملامس اخطاش قيمه
انشهد ان أبيش يابنت سماش = راعي شيم واختار لش أسم ( شيمه )
لأنش على مبداه تبنين مبداش = وبنت العظيم تصير مثله عظيمه
ياجعل ترفات الصبايا فداياش = حتى لو أن الحكي هذا جريمه
تفاخري من طيب ساسش ومجناش = وقولي لهم بنت المكارم كريمه
وانا وشعري كلنا نطلب رضاش = والى رضيتي عندي أكبر غنيمه
تربعي دام الحنايا حناياش = ماعاد تحتاجين مني عزيمه
وانا علي أميزش عن سواياش = واسوق ذودي كلها لش تميمه

الشاعر / سالم بن جخير ..