إقتحام ثاني.......... ( جذع الكلام )

[نايل الظفيري]

المشاركة الأصلية كتبت بواسطة خالد بن جفن

الأخ نائل الظفيري , لاناقة لي ولا جمل في مساجلتكم . ولكن قلت بما علمت وقصيدتي الله يسلمك على الهجيني الطويل ما فيها كلام والقصيده شاهدها كذا شاعر وكذا معد للصفحات الشعبيه والقصيده منشوره ولو فيها شي محد نشرها الله يسلمك الناس ماتجامل في الأعلام فالقافيه لا عيب فيها والله ..... وقافية طرق الوزن أول مره اسمع فيها . ومنك أستفيد كان عندك علم . لو تذكرلي بحر قصيدتي علشان منك استفيد لانه انت قلت البحر ناسي اسمه عطني مثال عليه او شي علشان اقارن مع انه كلامك غير مقنع وعطني من قصايدك الي تقول نفس البحر الي انا كاتب عليه . سؤالي لك لك قصايد منشوره يا اخ نائل عشان اطلع عليها .
خالد العجمي شاكر لك تفاعلك وكلامك المنطقي .
لاتدخلوني بينكم .

ياهلا وغلا باخوي خالد جفن


ياخوي خالد انت اكدت كلام خالد العجمي .. وهذا خطا .. يمكن يكون بحر القصيده هجيني طويل ولكني اجهل اسمه للأمانه لاني ما احب افتي في شي اجهله .

ولكن على حسب علمي ان الهجيني الطويل تفعيلته ( مستفعلن _فاعلن _مستفعلن_فعلن )

قد يكون للهجيني الطويل أكثر من تفعيله .. لا أعلم



وإذا تبي قصيده من قصائدي على نفس بحر قصيدتك ابشر يا خالد ..








زرعت من بذرة الأحساس فيني شعور
لين أعشب وحينها قطفت عذق الكلام


أبكتب اللي أحسه في خفوقي يثور
يمكن تهون المواجع والحمول الجسام


يا كثر ما شفت من وقت الغرابيل جور
عرضت نفسي على شانك لكثر الملام


الصدر (غصن ٍ ) تغني لك عليه الطيور
تعال وأسمع عليك شقال صوت الحمام


محتاج لك مثل ما تحتاج هاالارض نور
محتاج ( أحسّك ) معي لإني أعيش بظلام


أبيك لو هي على قربك تضيق الصدور
يا أول اللي ( معه ) عرفت معنى الغرام


علمتني الصبر لو ماني حليم وصبور
وعلمتني ( التضّحيه ) لو ما أطيق الخصام


لو هو صحيح ( بملذاته ) يفوز الجسور
ما كنت أخسّرك وأنا ما ذقت طعم إنهزام


ما أشوف (غيرك ) لو الدنيا متاع وغرور
يا كثر من مرّ فعيوني مرور الكرام


يقتلني اليآس وأحلام المواصل تبور
بس الأمل ينثر بصحّراي مزن الغمام


يا غايب اليوم من (فعل) أمس منت معذور
يوم إن طيفك سرقني من عيون المنام


كم لي وأنا أكتبك من إحساس صادق شعور
بيت ٍ بنيته ولا جابك عسى للهدام

[ورّاد]

خالد العجمي ..

والله ثم والله ثم والله انك مضيّع

القصيده موزونه ومقفاه وذات معنى

ياخالد .. والله انك فاهم الشعر غلط

والي علمك الشعر مايفقه شيء بالشعر

ياخالد فكنا من شرك كل يوم ناقز بحلق واحد وتجيب كلام من جيبك

والله ثم والله لو ان القصيده مو موزونه قلت لك انها مو موزونه

اتق الله يارجل

[ابو شقره]

لاهنت وصح لسانك

[نايل الظفيري]

المشاركة الأصلية كتبت بواسطة ابو شقره

لاهنت وصح لسانك

هلا صح بدنك

[تعب قلبي]

أغليك من هامتي لين أسفل اقدامي
يلي عليك أشتعل واطفي من الغيره

[/color][/center][/size][/font][/quote]
من أحلى الابيات والتعابير اللي مرت علي ,,,,,,,,,صراحة ما تكتب شعر تكتب احساس وعذوبة,,,,,,,,,شكرا على هلرائعة

[نايل الظفيري]

المشاركة الأصلية كتبت بواسطة تعب قلبي

أغليك من هامتي لين أسفل اقدامي
يلي عليك أشتعل واطفي من الغيره

[/color][/center][/size][/font]

من أحلى الابيات والتعابير اللي مرت علي ,,,,,,,,,صراحة ما تكتب شعر تكتب احساس وعذوبة,,,,,,,,,شكرا على هلرائعة[/quote]

صح بدنك

شكرا للمرور

[نايل الظفيري]

المشاركة الأصلية كتبت بواسطة خالد العجمـــي

عزيز وغالي .
ان شاء الله بشارك في المنتدى الذي وضعت رابطه حتى نقارع الحجه بالحجه ان شاء الله
بس عساهم مهم حجازيه بصدورهم

حياك الله

[نايل الظفيري]

المشاركة الأصلية كتبت بواسطة مشاري العجمـي

انا اختلف معك ياخالد وانا اشوف وكلنا نشوف انها على الهجيني الطويل ولم يخرج منه
ونايل شاعر متمكن ورائع وكلامك مهو بمحله والقصيده مافيها اي خلل او عيب

صح لسانك يانايل قصيده جميله من شاعر جميل


تقبل مروري وتحياتي

مشاري العجمي

شكرا لك لإبداء رأيك
وشكرا لك لإشاده بالنص وبشاعره شهادتك وسام يامشاري


صح الله بدنك مليون

أسعدني مرورك

كنّ بخير