هذه مجاراه لقصايد الأخوان سلطان وضيدان
من منصور بن محمد بن منيخر
البارحه ما بين وحده وثنتين=هواجسي تقبل علي بحراره
تحز وسط الجوف حز السكاكين=ما بين هداج الضماير وناره
وتطوي ظلام الليل والناس ممسين=وتخيل فالمشرق بداية شراره
وترقص علي روس الشيوخ الشياطين=والرجل يعرف موقفه من قراره
نعم(ن)بذكر الطيب سبعه وسبعين=لوكان دحدر فوق ددسن غماره
تكفخ قرانيس الهدد والشياهين= ولا كل قاره من وراها زباره
الصيد كلّه في حلوق السراحيين=والبيت الأبيض من عناله وزاره
وضيدان لو يملك قصور وملايين=سلطان بشرني وهاك البشاره
نبي نزوره يا سعوط المجانيين= لوكان من كفّه عماره دماره
يمني بسطها للضعوف المساكيين=يفرح بها العاني وضيفه وجاره
والعذر ما يقنع وجيه الديايين=يقنب قنيب الذيب ليله نهاره
وحنا بدار مرجحين الموازين=فيها عزيز القوم ما صك داره
تلقي الكرم والطيب والعز والدين =عند العرب موجود في كل حاره
دار الملوك العاكفين المصلين=أمطوّعين اللي براسه نعاره
حكام نجد العادلين المسمين=هل الحكم ماهوب ضحك وعياره
يا الله أتعز أشعر نخله وسيفين=ديرة هل التوحيد والعلم شاره
الشاعر منصور بن محمد بن منيخر
العرض الشجري