ألا ياعين هيدي عن مذارف دمعة الغالين

[العــــديم]

السلام عليكم ورحمة الله وبركاته


مـصافـحــــه أولــــــى

وأتــمنـى أن تــرتــقــــى لـذائـقـتـكـم

عفى الله عن مشاعر عشْتها بالشّك والتّطْمين=وعفى الله عن ليالي عشْتها وصْل وحميميّه
ألا ياعيْن هيْدي عن مِذارف دمْعة الغالين=شقيتي ولالقيتي .. والجفى بانَت مواريّّه
طويله غرْبتي وياك ياعيني / ولاأدري وين=ولنا الله والصبر ياعين / على قد المحنيّه
على فرقاه كن السّيف / ابو شذْره وأبوحدّين=يحز عروق قلبي دون / لارحمَه وماويّه
أحبه / والمحبه في ضميري مابها تلوين=أناوله الغرام / ونشوة الحب الحقيقيّه
تجبّر يافؤادي مامَلكْتْ من الزّمَن تحْصين=يعلّمك الزّمَن وطعونٍك الخضْر النداويّه
حبيبي عقْب هِجراني تبي تسْلى مع السّالين=وعلي أتذَكّرَك وأسْرح معك لامالت الفيّه

ـــــ