أطلال القصيد

[الشاعر ويكيليكس]

للكرامه ،، وطن فإن زرعتم رماح الذل بشتى بقاع الأرض
حتما لن تزرعوها في صدورنا فخلف ضلوع كل حر وطن لا يسكنه إلا الشرفاء

ويكي ١٦/١١/٢٠١١

المجلس اللي ريّسه فتحي إسرور= دايم يذكرني (بسيد الخواتم)
فلم خيالي بس من غير دستور= بطولته ما بين فتحي وحاتم

في مجلس الأمه تموت الكرامه= على الكرامه كبّر أربع يا كومار
شعبٍ يناقض بالشدايد كلامه= ما ينطحك يا أحمد نجادي وبشار

كسّر دواويني وكسّر راسي= وإزعل ليا مني كسرت إقلاصك
مبدأ يضايق زفرتي بأنفاسي= لا يا وطن متى يجي مخلاصك

يا معذربنا بتحطيم الأواني= كل واحد مننا يعرف خلاصه
نكسر إقلاص النبيذ الأقحواني= كل ما الدستور كسـّرتو إقلاصه

زيد الكوادر يا الخبل وإرفع الصوت= حتيش يوم إنك تزيد الكوادر
انته وزير بنكهة اللوز والتوت= مالك مع الإصلاح وارد وصادر

يا شيوخ القلاص ويا قلاص الشيوخ= نكسرك والبيان اللي يجي نكسره
ما يسود القبايل بشت مساح جوخ= كل شيخٍ زرع ذله ،، يذوق إثمره

سكوب تعرض قصايد لضرب الوحده الوطنيه

كل شاعر منبطح يقضب لسانه= يقضب إلسانه قبل ويكي يقصه
يا شواعير المذله والإهانه= حولو للشبك من فوق المنصه

ليلة مقامس بالرميثيه= سلّو سيوف الكلب نصر الله
محدٍ نطحهم بأول الهيه= وسيوفهن بالدار منسله
ولا البوليسي والبوليسيه= ثارو بلا مذهب ولا مله
من يمنع الروس الكويتيه =من قاعتك يالشيخ عبدالله ؟؟

لاعاش نصر الله ولا عاش بشار =ولا عاشت إكلابٍ تنابح معاهم
واهل الغنا صارو كما سوبر ستار =ما يطربون إشعوبهم في غناهم

(شكري) (وتقديري) (وعرفاني)= ماهو بحق اللاش والبومه
قالو: رصيف القوم سكراني= قلت : ابشرو ما راحت نجومه

مابه غريب إلا غريبٍ عن الدين= ياللي من الغربه تهل العباير
من طاع ربه لو يجول البلادين= كنه على ربعه يسوق البشاير

سو ( أنفلو ) دامك ( فلو ) ما علينا= حتى نشوف الكبر لا وين وداك !!!
أجل ،، على وضح النقا ،، تبتلينا= وتقول : وين الخوه ؟؟ إليا لطمناك

[الشاعر ويكيليكس]

كل يترجم بالقصيد إحساسه =وينوخ المعنى على هوجاسه
لو ما هموم أهل الشعر مختلفه= ماشفت في جو الفكر عساسه
وأنا على قاعٍ قفر نوخته= قاعٍ قفر ما حد قبلي داسه
فيه أبرق الجنحان كثر ترابه= شايخ على الحر النداوي باسه
والحر فالموقف تبين أفعاله= ماينثني عزمه من البلاسه
ولاخير فاللي ما براسه طنخه =وان زادو أهل الطيب يومي راسه
كلٍ على رجم المصالح شرف= ياكل عشاه وكل من جا داسه
يافلسفة فكر الزمان الراقي= فكري بنيته والمبادي ساسه
ياكيف تبغون العريب إيهده =سبة ورق من فلسفه وادراسه
فكرٍ يدرسه الخبل للصاحي= ويصير للخبلان حزب اسياسه
والشارب اللي ما يعز إربوعه،!!= لو كان تاجر بشروه إفلاسه
أعز ربعي وأتنومس فيهم= شاعر مدور عند شيخ إلحاسه
هذا بفضل الله وثم الشايب= اللي معودني على نوماسه

[الشاعر ويكيليكس]

على مشعل الزعبي تحية وفا وإعجاب= ونستاذنه فالبيت لا حل طاريه
(عيون الصليبيخات تبكي على النواب= ولا الحين ما جفت دموع الصباحيه )
قفتها دموع المجلس اللي بلا بواب= بعد صار للتجار سلعه تجاريه
تشيش الجموع وتنطح الراشي الكذاب =ولا همها نبح الكلاب البوليسيه
هياكل بصوت إكلاب مدري بشكل إكلاب= ولا شفتهم بمظاهرات الرميثيه
هذا في يده سيف الخميني ورمح إذياب= وذا في يده من روس طهران برقيه
ما يثبت عمود البيت الأبيض بدون أطناب= ولاهي سوات أطنابكم بالحسينيه
اوباما يهدد بو شهر من شهر بحراب= وراحت حرابه بين هذي وهذيه
نعرفك يابوش الابن لا بارو الاصحاب= ما عندك عصى موسى على الداب والحيه
على الطايره ركاب ولا بلا ركاب؟= ما يمنع تصادفها مطبه هوائيه
يشيب الرضيع وقاف ويكي بعد ما شاب= ولكن وقف،، من جملة أسباب سريه

[الشاعر ويكيليكس]

محاوره بين الشاعر المبدع / زرياب ,, والشاعر ويكيليكس





@Wikileaks_q8
الشاعر ويكيليكس

يا طائر الزرياب سلم لي على شعب الكويت= قله مهو حق الوطن ترفع قلاص وتكسره
مطلوب دم ومن سأل وش فيك يا ويكي جليت= بقول أنا رجل وكسرت قلاص رجال ومره

@ZiryaB_
زرياب

يامرحبا يالشاعر اللي كل شعره كمبليت= احلا طواريق الشعر طاروق ويكي سخرّه
ان جيت والا رحت والا مت والا لو حييت= ابسط لقب يركب عليك انك زعيم الشوشره

@Wikileaks_q8
الشاعر ويكيليكس

إن ششت قلنا لك كفو وان طحت قلنا لك عليت= يالبربري لو ما لطمتك ما تكف البربره
شريت طيرٍ للهدد واخطيت يوم انك شريت= وانقر يا نقار الخشب وأكل الخشب بالمنجره

@ZiryaB_
زرياب

نويت ليل البارحه لكـّن قلي وش نويت= خابت هقاويكم بعد شفت الرجال امجرجره
ان شفت ظل الطير فوق الراس ياويكي بكيت= وان طعت شوري ريـّح شطونك وكب الثرثره

@Wikileaks_q8
الشاعر ويكيليكس

خابت هقاوي كل من فجر عجين الديناميت= ما طال أمير إقلوبنا يوم الخميني فجّره
بنيت لي يالمركز الصحي وقلي وش بنيت= العالم الله ما بنيت إلا جدار المقبره

@ZiryaB_
زرياب

خابرك تحت الامر ماتعصي ولكنك عصيت= ياراعي الناقه ترا ظـلي ! ولا ظـل شجره ؟
بنيت لك كل البنا واعطيت يوم انك خذيت !! =حتيش ياعين الجراده لو تكون مدورّه

@Wikileaks_q8
الشاعر ويكيليكس

ياللي يظللك المجوسي لا سرحت ولا ضويت =حنا تحت ظل السيوف وظل ربٍ نشكره
تاكل وتقطع للكلاب السود لامنك كليت= ما تدري إن كل الجروح اللي كليت إمجدره

@ZiryaB_
زرياب

تقولها ماتدري انك فوق جمرتنا وطيت= .. توك صغير ومنت قد التلتله والمرمره
ما جيت غير العام وتغني على ظهر الوانيت= .. ماتدري اني لو بغيت ارجـّـعك فوق ظهره

@Wikileaks_q8
الشاعر ويكيليكس

لا مرك القصاب صار الشبك بعيونك سويت= ودك على المقعاد والكرعان جات إمشنكره
كنك إلا من ربوع إسكوب لا منك حكيت= بالجرجره والمرمره والثرثره وال( ... )ره

@ZiryaB_
زرياب

يالشاعر القصاب تال الطرق ماظنك بخيت= خبقتها واخذت لك مهنه ماهي بالمفخره
اثرك خبير ال(..)ره على مماشيها مشيت= بطوف الزلات لك والعفو عند المقدره

ملاخظه : ليس معنا ان يعبر الشاعر في المحاوره عن فكره أن يكون مؤيد لها وإنما لطرح الفكره بطريقه أكثرسخريه

حتى لا يعتقد البعض أو يسيء الظن )

[الشاعر ويكيليكس]

16/1/2012

ما ينشطب من صفحة المجد رجال=يا اهل الحلوق اللي طوال ألسنتهـا
يا فيصل المسلم علـى كـل الأحـوال=يمناك،، صفحـات الفسـاد إشطبتهـا

لـلـشـر مـيــزانٍ ،، وللـخـيـر مــيــزان=يـــا كـفــةٍ بـإســم البـرسـتـيـج مــالــت
حنا وفيصل صف واحد،، على شان:=ندحر يميـن اللـي مـن الـزور،، كالـت

إســـمٍ عـلــى نـجــوم الـثـريــا مـسـجــل=وإسـمٍ علـى حـد الثـرا مـا رقــى فــوق
والـفـارس الـلـي عــن جــواده تـرجــل=مـــا تـتـركــه بــرقــا ولا تـتـركــه روق
حـنــا بـعــد مـــا نـتـركـه ,,لـــو تــأجــل=حكمه،، ونشري بالظفر لا غلا السوق
ياللـي وصلـك الصـوت بالعلـم،، عـجـل=عـزم،، تـرا مـا كـل مـطـرود ملـحـوق

[الشاعر ويكيليكس]

الشاعر ويكيليكس :

( يا ذيب أنا بوصيك لا تاكل الذيب ) =شطرٍ لابن هدلان شالح نعيده
أما لبو حمدان نرسل مناديب= ولا نكمّل ما ورد بالقصيده ‎

حفيظ ال وذين‏
@hfeedalajmi

لاصار مايلحق ورا سجنته عيب= نفخر بذكره والمواقف حميده
يسعا ورا قولة نعم راعي الطيب= الين فاض امن المعزه رصيده

[الشاعر ويكيليكس]

ALBaroD‏
@Albarod1

ترا التكبر من صفات الرخومي= يموت صاحبها وهو بيننا حي
مايقضي اللازم ضعيف العزومي= لو تقلب الدنيا نوايير وحلي
يابعدها بعد الثرا والنجومي= يعيش بالظلمه ولو كان بالضي
ياويكي وينك عن علوم القرومي= الي فعايلهم كما حاتم الطي
مالك من الافعال غير العلومي =مابين ضو الشمس والمجلس الفي
ياكثر جنسك بالورق والختومي =بصوت والصوره وبلفعل والزي

الشاعر ويكيليكس‏
@Wikileaks_q8

عزلت وسمي عن خبيث الوسومي= وأوّل علاجٍ للمرض عندي الكي
لي ميسمٍ بالكايده ما يصومي =ولا يقفي عن لحمها وهو ني
بارود كانك في سمانا تحومي= عوّد مدامك ما تجرا على شي
ما قول خشمك من طوال الخشومي= فنس الخشوم إخشومها تقصر إشوي
واسمع مدامك ما تعرف السلومي= وأبدلت لبس الحق في ملبس الغي
( لي لابةٍ بالضيق تقضي اللزومي )= قد قالها راكان لمدوّر العي

==========================

غشام الصواغ
‏@Gasham84

هو الذي هدّ بيته في يدينه وأنا =حاولت أوقف جنونه للأسف ماإستطعت
أبي له الخير لكنه يحب العنا= ولا كان قدامي إلا إني أبيعه وبعت

الشاعر ويكيليكس‏
@Wikileaks_q8

ان هد بيته وخليته وعوّد بنا =ملزوم تبني معه دامك بالاول فزعت
من عجل البيع ما عجل بضرب القنا= هذا جوابي حسب مضمونك اللي زرعت

==========================


د/مـتـعـب الأصـايــل‏
@MT3B_ALA9AYL

ويكي ليا غنى يبشر بالسعد=...مثل الحيا لامن نزل في كل بيد
...ومتابعينه كل يومن في عدد=...يهب ياحسابه من العالم يزيد

الشاعر ويكيليكس‏
@Wikileaks_q8

الأوله مشكور يا طير الهدد =والثانيه منها بك النظره نعيد
أعوذ من شر الحسود إليا حسد= بالله لامن صار للحساد سيد

===================


فهد الجلاوي
‏@fahadaljalawy

ويكي بنى له صرح من دون عنوان= ، والناس تبحث من بنى فالمدينه ؟؟
بالله عجل واذكر اسمك بليهان =لاينهدم صرحك يافرصه ثمينه

الشاعر ويكيليكس‏
@Wikileaks_q8

عنواني أهل الطيب في كل ميدان= ما جيت أرّسي فالمواني سفينه
والصرح دام إنه على ساس وأركان= ما ينهدم وأركانه إمتابعينه

========================



khaled
@khaledddd81

ويكي جبل بس الجبل دونه الغيم= والغيم هذا ما يجي منه قطره
لاصار شاعر يعتزي له ب(نك نيم) =خسارةٍ فكره - وقافه - وسطره

الشاعر ويكيليكس‏
@Wikileaks_q8

لا صار ما يرويك ويكي من الديم= ترويك من عقب السومطره،، سومطره
ما نعتزي يا كود في عزوة إعجيم= يا شاعرٍ ما زان قافه وشطره

===========================




الشاعر ويكيليكس‏
@Wikileaks_q8

طال السهر والعين عيّت عن النوم =ياللي عيونك ترقد الليل كله
لانيب لا ضايق ولا نيب مهموم =لكني آعد النجوم المطله

هاجس
‏@HajskwReply

عدالنجوم وواصل الليل باليوم= وابحث عن أسباب القلوب المغلّه
والياخلصت ارتح ترى الرزق مقسوم =والجزل كايدوانت رجلك تدلّه

============================
الشاعر ويكيليكس‏
@Wikileaks_q8

تبي علوم الخامسه ،، عندنا خمس =محاربة فرعي،، وشاري،، وبياع،،
وأحزاب محسوسه ولا تقبل اللمس= وأحزاب ملموسه ولا تقضب القاع

من اجلك ياسوريا‏
@alsube3e

لا تطمس الماضي على واقعه طمس= يوماً صوت الشام معكم بينذاع
متى على الله نرجع ألويكي الامس= اللي منه بشار خايف ومرتاع

هَـادي الجَـــامِع‏
@Alazemi

يا ويكي (الغربال ما يحجب الشمس)= ومن مبدأ الشورى حكمنا بالاجماع
انتوا لكم خمسه وحنا لنا خمس= والصوت متقسّم على اربع ارباع

=============================

الشاعر ويكيليكس
‏@Wikileaks_q8

انتخاب العام هذا في تويتر =كل غصنٍ فوقه طيورٍ تغرّد
لا تبثين الاشاعه يا رويتر= دام لش طيرٍ على سربه تمرّد

‎



Fahad Q8‏
@gleai9

الحراره كلبوها بالرديتر=والمراوح ياصحيبي ماتبرد
المعاني كلها وسط الدفيتر=ماعليها والسوالف ما تجرد

===========================


الشاعر ويكيليكس‏
@Wikileaks_q8

إسبوع نشرب حليب ونشرب الزنجبيل =رغم إحتقان الحلوق إقلوبنا صافيه
والمر ما يستوي وياك يالسلسبيل =يالله عبدك فقير ويطلب العافيه

فارس الحشار‏
@AL_7SHAAR

اسبوع واسبوع وايام وثلاثين ليل= وانته تردالنسم في الرقده الدافيه
في فيت البيت غاديلك مبات ومقيل= حنا ترى ماجهلنا علومك الخافيه

الشاعر ويكيليكس‏
@Wikileaks_q8

ما نرقد الليل يوم انك جهلت الدليل= نقنب قنيب الذيابه والقدم حافيه
والدرب قدام عينك والشرر بالفتيل= قدايمك طيب راس ومدةٍ وافيه

==========================


العتيبي
‏@hamdainn

الحر فينا لاكفخ يكفخ بصوت= يعطيه للي يستحق العطيه
والحر فيهم لاكفخ ينطح الموت= لعيون داره مايهاب المنيه

الشاعر ويكيليكس‏
@Wikileaks_q8

الرجل فينا بالمواقيف طاغوت= والرجل فيهم بالمواقف إبنيه
لو ينجح السربوت من صوت سربوت= ننجح بصوت اهل الوفا والحميه

[الشاعر ويكيليكس]

في عالم تويتر تشوف الملاقيف= اللي تحسب ان اللقافه ثقافه
لو كان به قومٍ تعرف المعاريف =في حضرته ،، ما عوّدوا للصحافه

‎

توني دريت إن الضلوع إتغار =من قلبي وعيني وشرياني
كل الضلوع إبحالة إستنفار =لا من نطقت إسمك على إلساني
قلبي وطن،، وضلوعي الثوار= وأنت الحكم،، والمجني الجاني
ثارو كما درعا على بشار =تبي تلمـّك وسط الأحضاني

ت

شره كثير,, وتعتذر في ظروفك ,,! = والوضع ما يقبل ,,كثير المشاريه
لو تجمع الثنتين,,صدك,, وخوفك= قرار صدك ,, ما نعيد النظر فيه ‎

انت القمر وانا كما كوكب الشمس =نورك،، نتاج أشعتي وإنعكاسي
أجهر عيون اهل المحبه بلا لمس= ولا انت بعيون المحبين راسي

صدقت ياللي بالحقايق تغنيت =وانا كذا ما بين طيحه وقومه
إما وصلت إمناي،، ولا تعزويت= ولا دريت إن البلاد إمحكومه

ما تنطفي ضوي وجفني ما غفا= وإليا طفت بضلوعهم شبيتها
مع إلتماس الكهربا ليتك طفا =يا إمبروّز الكلمه على منشيتها

هب الهوى بالدار وقلوبنا شهب =وقلوبكم في فيضة الحب ترعا
بين الثريا والثرا تقدح الشهب =يشوفها اللي محتمي دون درعا

باب الجدال إن كان ما سديته= بتلاحي العفريت والعفريته
مبطي عن الطاروق واهل الرده =في عالم الهاشتاق والتتويته

جو الشعر قفى ،، وحبر الورق جف= وإمشاحنات الشات ،، سبت جفافه
مدري من الاشغال ما عاد لي شف= ولا الفكر ما عاد يرضيه قافه

[الشاعر ويكيليكس]

الله الله ربي لا شريك له= يامن إلهك كلب البعث بشارُ
سبوح قدوس رب الروح والملك= يا من بما أنزل الرحمن كفار
فلتشرق الشمس غرباً أيها الصنم =إن كنت ربا لحزب البعث جبارُ
من يعبد الله في الجنات منزله =ومن كفر،، يأكل الزقوم بالنارِ

اهل الغنا صارو كما سوبر ستار= ما يطربـون إشعوبهـم فـي غناهـم
لاعاش نصر الله ولا عـاش بشـار =ولا عاشـت إكــلابٍ تنـابـح معـاهـم

لابــوك لابــو بعثـكـم فـــوق بـشــار=ياللـي عبـدت الكلـب والكلـب كـافـر
(ربعي هل الجنه وربعك هل النار)=والله أحـــد للـعـبـد راحـــم وغـافــر

[الشاعر ويكيليكس]

هذه فتاة طلبت مني بيتين من اجل عيد ميلاد حبيبها يوسف وقدمت هذه القصيده بمناسبة الطلب

ما عندنا لأهل الهوى غير عيدين= عيد الفطر ،، يقفاه عيد الضحيه
عيد الفلنتاين وعيد المحبين =ما عندنا له بالقوافي هديه
أما عن اعياد النصارى تتوبين =ولا البلوك اليوم نذرٍ عليه
وان كان يوسف يعرف الزين =والشين وراه ما يمشي بسنة نبيه
ليت الطلب بالشام ولا فلسطين =كان أبشري بالنصره اليعربيه
القوم تذبح بالفشق والسكاكين= بالمعركه يردون حوض المنيه
وأنا ابتلي بالعاشقين المساكين= قصة هوى ما بين غر وبنيه
في روميو،،/ جوليت ،، بيتين بيتين= وانا عقيدٍ ما يشح العطيه
في عيد ميلاده كذا ( بين قوسين )=ويكي يقدم له سلام وتحيه
في عالم تويتر تشوف المجانين= والطير الازرق طلعته عالميه
الأوله،،مالي ومال الوراعين =اللي غدو ما بين نيه ونيه
والثانيه،، يالله تنصر هل الدين =والثالثه ،، قدام والنار حيه
ما نحتمي بالفرس والروس والصين= يوم احتمى بشار في كل هيه
( حمزه مشينا من ديار المحبين )=ما عاد باقي للنشاما بقيه