. . . . شَامخَه شيخَة عَرب مِتعاليَة حسّاسَة ~

[سـمـآويـه]

إذا فلوسي و نفسي وعرضي على الميزان
فلوسي فدا نفسي و نفسي فدا عرضي

و ثوب الردا لو زيّنتْه أنفس الرديان
فلا طوله بطولي و لا عرضه بعرضي

[سـمـآويـه]

قال السديري عقب ماخاطره ضاق
بيتن يخلي ضامي القلب يشقا

ليت ربي ماخلق حب وفراق
والا خلق حبن على غير فرقا

[سـمـآويـه]

فقر المشاعر فيك ليتـه [ فقر دمْ ]
علىّ آلآقلْ ينفعُ معَآه آلتبّـرع !

[سـمـآويـه]

‏​حسبي على الصيف ياهو قاسي وظالم
قفابك لشرق الارض وجا يواسيني

ومن كثر ما اقول ترجع غانم وسالم
كرهت غانم ،، وسالم طاح من عيني

[سـمـآويـه]

ما فيـھ داعي تـكشخين لـ دوامك
أنتي أنـيقـھ حتى لـو بـ البجامه

شوفي دوامك / كل موظّف بزامك
تعطينھ الـدافـع يروح لـ دوامه

[سـمـآويـه]

اللي تغلّا , ليتها ما طـالت ،
على إنكساراتي وخيبة ظنّي !

عنقا ليا هب الشمالي , مالت ،
وصوتي , ليامن هبّ ، صدّت عنّي !!

إن قلت بألقى بنت غيرك قالت ،
أبسـألك ( هو فيه أحلّا منّي ؟ ) !!


^^

[سـمـآويـه]

لا بارك الله بالرفيق اللي ليا منه زعل ،
جاب العلوم اللي فـ بطنه كلبّوها وكبّها !

[سـمـآويـه]

الطيب يمحى العيب عرف ومواثيق
ولا الخطا ماله على الطيب والي

واللي جرحني بين حدب ومعاليق
مأخفي عليك انه الى الحين غالي !

[سـمـآويـه]

كأنك تنآسيتي تقاسيم وجهي
فأنا لك الله ما نسيت الملآٌٌمح !

[سـمـآويـه]

http://www.safeshare.tv/w/VKptGlVezh





لا جيتْ عقبْ البطا و الدّمعَة بعيني
خَلها تطيحْ و حَبيبِك قَد ملا كمَّه

الدّمع سمٌّ تجمّع في شَراييني
يومْ إنْ فَرقَاكْ في قَلبي نثَر سمّه

خَلني على كيفي أبكي لا تواسيني
لَعَل قَلبي يفرّغ شَي مِن همّه

يَخنقني الشّوق و الذّكرى تودّيني
أجي لـ حارتكُم و بيتِك أمر يمّه

و أنطِر دريشَتكْ و دموعي حَواليني
و أقولْ أكيد الهَوى اللي بحارتَه شمَّه

و أنزّل الجَامْ و أطلّع راسي أرديني
أشم هَواكْ اللي بحارَتك تشتمّه

للحبْ نَزعَاتْ يَ أغلى النَّاسْ تذّيني
غيرَة و حيرَة عليكْ الله بَ الذّمَه

وردٍ على سورْ بيتِكْ شَافتَه عيني
يشمّك إن جيتْ و إنت اللي تشتمّه

و عليكْ غيرة فؤادي حيلْ تِشقيني
ما ودّي أغار لَكن غيرتي | مطمّه

غيرَة طِفل ما كمل ثلاثَة سنيني
طبيعي يصيحْ لا مِن وخذَتْ المَمَّه

و إليا وقَفنا بشمسْ و بينِك و بيني
ظَهَر لنا ظِل شِفني برجلي أدمَّه

أتعَب بدنيَايْ و الدّنيا تشقّيني
و أحتاجْ لِك غير محدٍ غيرِك أهمّه

حاجَة يتيمٍ ولَد و ماتوا لَه أبويني
في هدّة المَدرسَة لا أبوه و لا أمّه

كلٍ يزمَّه أبوه و هو مَسكيني
يِزِم شَنطَته بَس ما جاه أحدْ زمَّه

قَلبِك بدنيايْ عَن كِل شَي يَكفيني
و قضلبي خذّه عَن عيُون أهل العَذل ضمّه

و إنْ فَرقتنا الليَالي مَنت نَاسيني
إلا ليَا قيلْ سِلطانْ القبر ضمَّه

مَسموحْ لكنْ أبيك بشي تَطريني
لا جاكْ مَولودْ على إسمي أنا سمَّه

و إن عِشتْ أبلقَاكْ و إنتَه إبتلاقيني
بحمّي الشّوقْ و إنت الشّوقْ هَمْ حمَّه

شحنَاتْ الأشواقْ ب ت أجسَامْ المحبّيني
تَدفع لِكْ العَاشِقْ اللي مِحترِق دمّه

و الأحبَابْ عِند اللقا ياتونْ جسميني
و جسمٍ يصيرونْ و الأرواحْ ملتمّه

جيتْ أبضمّك عجولَه حيلْ رجليني
ماني ب خفيّف و لكنْ بَ الجسم همّه

بفرّغ الشوقْ فيكْ و فرّغَة فيني
يومْ القلوبْ إتّلاَمَسْ سَاعَة الضمَّه

تَعبان و الحبْ مِثل الشّمس بيديني
ضوّه عليهنْ و لاني قَادر ألمَّه

تعَال لمني حبيبي لا تخلّيني
يَ ليتْ دنيَاي تَاقَف عِند هاللمّه