. . . . شَامخَه شيخَة عَرب مِتعاليَة حسّاسَة ~

[سـمـآويـه]

مع اول البرد طاح البرد وامراضه
في صدرها ليتني شلت التعب عنھا

يومين فيھا المرض ماخفت اعراضه
معذور يومين مايـمدي شبع منھا !

[سـمـآويـه]

‏​‏​‏​‏​تَعَال لِك شُوق عِندي ما بَرد توّه
وَجهي تَعب من غِيَابِك لا تكبّرني

[سـمـآويـه]

كف الوداع اللي صفعني معا الخد
فجّر ملامح ضحكة اللي عذلني !

كف الوليف اللي صفعني مع الخد
هشّم ملامح خشتي من صفعني !

[سـمـآويـه]

بَعَد مَا رحتْ عنّك و القلُوب اللي تِحب أتعَاب
تبلّيت المصَايِب فِي غيَابي قَبل تَبلا بِي

ظلمتك يوم رحت و حَاجتِك بإيدي و قِلتي غَاب
ظَلمتكْ بـ السّنين اللي خَذتني مِنك لـ غيَابي

حَسبتْ حسَاب للفَايِت و لَكن مَا حَسبت حسَاب
لـ مقبلةْ اللّيَالي و العَذاب اللي تَهقوى بِي

صحيح إني أَعرفِك بس مدري عَاد حنْ أصحَاب
أو إنْ مَا فَات مآت و شَرهَة الميّت عَلى أسبَابي

غِيابي والله إنّه مِن ظروفٍ فرّقتْ الأقرابْ
و تمثّلت لـ أوامِر وقتِي الغَلابْ مِن مَا بي !

[سـمـآويـه]

فالجامعه هي والبنات يتمشون
و بدونهم تصبح للأنظار صيده

دكاترتها لـ ابتدى الصبح يدعون
ي ليتها تنجح وتبقى معيده

ي الجامعيّه ، استري طرفك بزود
أنا أكتويت بطلتك مت غيره

أنتي ستيره ما يجي منك منقود
لكن نوايا الناس ما هي ستيره

[سـمـآويـه]

‏​‏​‏​‏​الطفلة اللي بعثرت بـ انتظامي
تقلب نهاري لليل والليل يَسلا !

كل ما اقول ابغى انام لـ دوامي !
قالت وهي مكشره .. منهو اغلا ؟

[سـمـآويـه]

‏​‏​‏​‏​



درب الرّدى يَدمر بنَات الرّياجيل ~



cutt.us/23C02C87-Ki9

[سـمـآويـه]

أبوهَا راعِي طيبْ دلّه و فِنجال
سيفٍ مجرّب بينْ كِل الحَلاحيلْ

طيِّبْ و عِند النَّاسْ تَضرب بَه أمثَال
و طيبَه يسولفْ فيه جيلٍ ورا جيلْ

و البِنت بِ الشّيشَة مَعَ جملَة رجَال
تَطلَع و تَضحك همّها بَ التّعاليلْ

تَسهَر و تَلقَى عِندها أنواعْ و أشكَال
عيشَه رديَّه و كلّبوها بهَاذيلْ

العُود بَاني لَه عَلى البِنت آمال
يَنطِر فَرحها بَ اللّيالي المقَابيلْ

متَى شَهادتها تِجي عَالي العَال
متَى تخرّج بِنت علمٍ و تَأهيلْ

العُود دلّلها ليّا حَد الإهمَالْ
يَبي الشّهادَة ما يِعرف التّفاصيلْ

و هِي تكسّب همّها جَمع الأموالْ
و تَبني عِلاقَاتٍ رديّه محاصيلْ

يَ بِنت هذا الوَضع مِخزي و قتّالْ
بِ القبحْ لا يُمكن تزيدينْ تَجميلْ

خَافي مِن الله و إتركِي شِين الأعمَال
قدّام لا تَكثر عليجْ الأقَاويلْ

خلّج عَفيفَة و لا تندّسج الأنذالْ
دَرب الرّدا يَدمِر بنَات الرّياجيلْ

مَا هو ب عيبْ إنّج تشيلينْ جوّال
العيبْ بَ اللي تتّصل تَالي الليل

صِيري مَعَ الصّفوَه عَفيفات الخصَالْ
راعْ الرّدى ما لَه عليهِن مدَاخيلْ

مِحصناتٍ يهابهنْ كِل دجّالْ
و جمَالهن ما هو ورَق في كشَاكيلْ

مَا لامسًا بـ كفوفهم كِل حيّال
و لا دوّجًا بينْ المقاهي مسَاطيلْ

و لا طالعًا في راعي الرّنج و المَال
أهَم سمعَتهن مِن البحر و النّيلْ

هَذي نصيحَة سِقتها عبر الأمثَال
قدّمتها مِن قَلب مَا هي ب تمثيلْ




!!

[سـمـآويـه]

تمكيجي خلّي الحَلا ما يبيّن
حتى يكون لزينك حصُون و سيَاجْ !

كذا بَهرتي الفَاتنَاتْ المزّينْ !
و شلُون لا شَافُوكْ مِنْ غير مِكيَاج ؟

[سـمـآويـه]

النفس تامر وانا ماني بطايعها
الله عن النقد والمنقود يحميني

لو ان كبدي هجير الشوق لايعها
امر عطشان والشيمه / تعديني