هـــمـــس الـــقـــوآآآفـــي...؟؟

[ســالــم]

يالله مسا خير قلبي منقبض وش به
من رهبة الناس ولا القلب متطير

يامعيراً شوق قلبي روح وانحشبه
مكينة القلب تصرف بشوق يامعير

مثل رذاذ المطر مايحيي العشبه
يحيي الفؤاد المغربل شوفة ( نوير )

هنوف بدواً طرف قلبي اتعشعشبه
العين تشفق لها والخافق مشير

قالت انا فيه موضوع بوشوشبه
قلت ارفعي الصوت لبى وجهك النير

قالت اخاف اتّغير قلت ويلشبه
اما اتغيّار لامانيب متغير

قالت قبل تنشب احساسي وتنشبه
ابن آدم ان طال عمره عمره قصير

لاتبلش القلب في حبك وتبلشبه
تراه قطت وجه من عاده صغير

وتقول بعدين هذي والله النشبه
اعلمك بالحقيقة وانته مخيّر

وطيت راسي وانا افكر وكنت اشبه
من حيرته السنين ومات متحير

واخذت موشة هوان اتنعنشبه
لديت فيها العيون وقلت ( يانوير )

لو قالو الناس لك يوماً ورح عشبه
حذفت عمري وراي وجيتك مسيّر

لكن كلاماً مالش به خير وش لش به
لاتذيرين الغلا ويروح متذير

وقولي الرمشك اليا جيت اتحرشبه
يرحمني شوي ياملعونة الخير

[ســالــم]

أموت من خوفي وهي ميتة خوف
والكل مني يعرف أسباب خوفه

أنا خايف ان الزين يرحل وأنا شوف
وهي تقول اخاف معاد اشوفه

تقول يا (...) وأنا اقول يا نوف
كلٍ يشارك حبيبة في ظروفه

اشكي لها همّ المحبين فحروف
وهي تقول الهم واجد حروفه

أهدي لها وردٍ من العشق مقطوف
ويحطنا وجد الزمن في كفوفه

بروح أنا معها لآخر مدى الشوف
وكل ما في الحب لازم نطوفه

ناديت بعلى صوت يا نوف يا نوف
قلبي يبي يعرف وش الي يلوفه

هو الغرام الي ذبحني أو الخوف
أو الجمال الي عيوني تشوفه

[ســالــم]

( يقول ) :- عينـك حزنها يرسم الياس
...... يا صاحبي صاحبّك ما اظن له ( طب )

فيني شتات أشواق , مع ضجّة احساس
..... لكن قسم بالله .. مـدري من ( آحب ) .!

[ســالــم]

متآبعتك آكبر شرف يا ( أول انسآن ) ,
تمكن بـ قلبي , وترجم شعوري ..!


تقول ( مبدع حييل ) وآقول ولهآن !
لولا ( حضورك ) , ما تميّز ( حضوري )



أهــــــدآآآء خآآآآآص

[ســالــم]

يضيق صدري وأحاول أخفي العبـرة
والناس تسأل.. عيونك ويش صايبها ؟!

أكذب عليهم واقول الجوُ بـه غبـره
و أصدق الكذبة اللي صرت كاذبهـاا

[ســالــم]

ياوجودي وجد من قفـو بـذوده
صبح يومً تنخر الحمـا عظامـه

والمصيبه قدم عينه راس عـوده
طاح دون البل راح الذود امامـه

او كما اللي للصفاة اليوم قـوده
واغتيال اهل الزعامـات اتهامـه

ماقبلو حلفه ولا حضرو شهـوده
واصدرو حكم اغتيال اهل الزعامه

مفسدن فالارض وعروقه جحوده
عبرةٍ للناس قامـو فـي عدامـه

[ســالــم]

[البارحه] ..عيني تدوّر على( النوم)
.. .. .. .. .. .. و انـا .. إمتعومس / مرهق احساس / تعبان

بين .. التعب و الشوق و الحزن واللوم !
.. .. .. .. .. وزعت نفسي .. لين ( نور / السفر ) .. بان !

[ســالــم]

خلاص قلبي صار مثل الزجاجه
. . . . . . ادنات هزه من زمااانه تضره

ماعاد فيني للشقااا والمواجه
. . وش لك بقلبٍ مكفي النااس شره

[ســالــم]

ماهو غريب تنام وانت متضايق
غيرك عجز لا ينام من شدة الضيق!

وغيرك يجيه الليل هادي ورايق
وينام لو هو ظالمٍ لـ/ المخاليق !

صدّق .. تراها كلبوها حقايق
في هالزمن ما عاد به صعب تصديق!!

[ســالــم]

البارحه في تالي الليل ونيـــت
ونيت من هم(ن) تهيض بصــــــدري

سكبت دمعي من عيوني لا كن ازريت
احجز دموع(ن) من عنى القلب تجري

ليلي طويل(ن) يا عرب ماتهنيــت
هم(ن) يصدربي وهم (ن) يحــــدري

واصبح علي الصبح أنا نوح ممسيت
أجاذب الونات وامشي واهـــــذري

من لوعت الحرمان ياناس قاسيــت
أساهر أنجوم السما لين تســــري

وأصبحت أنا لاني بحي(ن) ولا ميــت
أسباب منهو بيتلذذ بهجـــــــري