استفسار منهم اهل الابل من ال سفران قديماً

[نويصر]

حياكم الله جميعاً
استفساري ابي اعرف منهم اهل الابل من ال سفران والمعروفين بأنهم اهل الابل

لاانه فيما مظى قليل من يقني الابل لااني في صدد طبع كتاب عن الابل ومن كان يقتنيها

والمطلوب يا جماعة قديماً يعني من 100 سنه وفوق وليس الاان

وارجوا ان تكون الاجابه موثوقه ويستحسن ان تكون من كبار السن
وان حصل لون البل بعد

ولا ابي من الوقت الحالي ابد لان الوقت الحالي حتى اهل الغنم صاروا اهل ابل

ولكم جزيل الشكر

[العــــديم]

انشاء الله يفيدونك اصحاب الخبره

وموفق ان شاء الله في طبع الكتاب

[نويصر]

حياك الله يالعديم

ومشكور ويعطيك العافيه

[على كبدي بروده]

مساءالخير
ابل العبار اللون مجاهيم لها فوق ٢٠٠ سنه

راعي الابل الحالي ناصر محمد فدعوس العبار

[نويصر]

يامرحبا ومسهلا

على كبدي بروده يعطيك العافيه ولاهنت على ذا المعلومه
وعزالله انها معلومه اكيده 100 %
والله لايهينك بحكم انك جبت لي هالمعلومه اسئلي عن غيرها وافدني جزاك الله خير
لان الشباب شكلهم يجهلون

[وثيلان]

والله بنفيدك باللي نقدر عليه

اولا ال سفران بوجه عام اهل ابل وكل العجمان اغلبيتهم اهل ابل

وبحكم انك سئلت عن ال سفران الي قدرت اجيبلك منهم بذكره لك

ابل ال عبيد ال سرحان وال كمعان وابوكروز وال وردة وال خميس بن بطي وال فدعوس وال نحيان وال شالح

كما ان باقي ال سفران كانوا يقنون البل ولكن ابلهم ليست بكثرة ابل من ذكرت اعلاه

واسمحلي اني ماقدرت اجيب الوان البل لعدم معرفتي فيها

ولكن ان بغيت ياناصر تحرى عن الموضوع والعلم الاكيد انشد الشيبان الموجودين مع انهم قله الشيبان معاد به شيبان من غير قصور في احد

ومن لديه معلومات ان شاء الله بيضيفها

وارجوا ان لا يضيف احد من الاخوان على مزاجه وكيفه لان هذا شي معروف ولانريده يصير مثل موضوع الفريس كلن يسجل من عنده

[نويصر]

الاخ وثيلان
يعطيك العافيه على هالمعلومات الثمينه
وارجو منك المزيد

اللي عنده معلومات لا يخلينا منها

[هذلوول]

وووونعم بال سفران من اولهم الى اتلاهم