.. هذيان شاعر ..

[نايف المغامس]

مدخل :

أذكر نسيتك يوم لحظه بحياتي
حتى بـ لحظة ما نسيتك ذكرتك

ياللي عذرتك قبل ما العذر ياتي
لو منت غالي يالغلا ما عذرتك

النص :

ما هو غريب تكون ما بين الأغراب
ولحظة غروب الشمس ينهار باسك

لكن غريب تكون ما بين الأحباب
والشمس غابت عنك والناس ناسك

يعني بـ منظور التعجب والاعجاب
حجم الفراغ اللي سكن جوف كاسك

هي معركه ما بين سالب و إيجاب
و إيجاز ما قد تم قد فاز ياسك

و استعبد إحساس الأمل فيك من غاب
اللي ليا شفته تحس شي .. حاسك

ويا كثر ما تركض على دقت الباب
ويا كثر ما قلنا ولا شاب راسك

مخرج :

كل ما بدينا .. واشرقت للجفا أيام
اللي خذت يا صاح .. كل ما بدينا

واصعب سؤال يراود القلب من عام
عاد القلوب اللي تبينا .. .. تبينا

أخوكم / نايف المغامس الشمري