العبـــــــــــــــــــــــــرة ...!

[الهنــــــــــوف]

تخنقني العبـرة ليـا حـل طاريـك
وتضيق دنيا عنـد غيـري وسيعـه

عجزت أدور عنـك ياويـن ألاقيـك
وشلون مـن يشريـك تقـدر تبيعـه

ياشينهـا لاصـد مـن كـان يغليـك
فجيعتـن ياكبرهـا مــن فجيـعـه

ماكان ودي ياريـش العيـن أخليـك
حديتنـي علـى الجفـى والقطيـعـه

لاتحسبنـي يـوم قفيـت بادعـيـك
مادعيـك لـو ان العواقـب شنيعـه

أعميتنـي عـن غيـرك الله يعميـك
وحكمتنـي حكـم الولـي للشريعـه

ماغير أهوجس واضرب الراي وابكيك
يامرك مـن يفـرح علـي وتطيعـه

روح عسى الأقدار تبعـد خطاويـك
بنساك لـو صـدك وبعـدك فجيعـه