بمناسبه عشرين عام على تولي خادم الحرمين الشريفين حفظه الله, طرحت بعض الصحف والمجلات البيت التالي من قصيده لخادم الحرمين الشريفين اطال الله في عمره
حنا هل العوجا ولابه مراوات * شرب المصايب مثل شرب الفناجيل
وقد قام كثير من الشعراء بمجارات هذا البيت
وقد بحثت عن هذه القصيده ومناسبتها واليكم كامله
***********************************************
هذه القصيده قالها خادم الحرمين الشريفين عندما كان مريض في لندن في شهر شوال عام 1385وبعث بها الى صاحب السمو الامير/ فهد بن سعد
يابو سعد صارت على أخوك غارات
*************** شهرين اقاسي من شديد الغرابيل
سو المرض يحمل على اخوك حملات
*************** ومافي يدي حيله ولا في يدي حيل
والله فزع من فوق سبع السماوات
*************** وانا احمد الله يوم صارت تساهيل
ماينفع الخايف والايام عجلات
*************** الخوف ماينفع ولا القول والقيل
حنا هل العوجا ولابه مراوات
*************** شرب المصايب مثل شرب الفناجيل
لاشك انا مشغول في كل الاوقات
*************** على الذي حنا بظله رجاجيل
ماني على نفسي كثير الحسافات
*************** لاسلم راسه روسنا رفاع بالحيل
حامي احمانا بالليال المخيفات
*************** لو صار بالعالم كثير الزلازيل
فخر العروبه بالعدل والمساوات
*************** هذاك هو فيصل ولافيه تشكيل
يشهد له اللي شاهدوا منه ليات
*************** ويشهد له التاريخ جيل بعد جيل
هذا رد الامير فهد بن سعد ال سعود رحمه الله على الملك فهد اطال الله في عمره
واعتذر ان كان هناك نقص او غلط لاني ماحصلت الا على هذا.
يامرحبا بكتاب زبن المخلات
************ اهلا هلابه عد وبل الهماليل
حمدت من زال الكدر بالمسرات
************ فكاك من صكت عليه المحابيل
فزع لك اللي عالمً بالخفيات
************ مبري اجروح ايوب غيث المراميل
لعل مايزعج على فقدك اصوات
************ ولعلها لك يابوفيصل تماهيل
الله يجيرك من صواديف الآفات
************ عساك تسلم ياعشير المشاكيل
ما انت برخيص ً ياربيع القرابات
************ لو هي بالايدي كان دونك حلاحيل
ترا لنا بك يافتى الجود هقوات
************ في وقتنا الحاضر وباللي مقابيل
يفداك ربعً قصروا بالمهمات
************ اللي على القالات ماتنطح الشيل
وسلامتكم
حفظ الله مليكنا ذخرا للاسلام والمسلمين ورحم الله الامير فهد بن سعد
--------------------------------------------------------------------------------
15-06-2005, 04:38 PM
مما قال خادم الحرمين الشريفين
العرض العادي
