السلام عليكم ورحمة الله

[صالح الغباري]

الشمس من شعّاقها نورهـا طـل=ياللي تظلل من سمـوم السعيـره
لا لا تظن العوسجه تحتهـا ظـل=ولا سراج الجـار بيتـك ينيـره
والشجرة العوجى ترى عودها جل=وإن كان ماتفطن بتصبح خطيـره
بعض المظاهر تحتها هايش الصل=ياغافـل سمّـه تحمـل مصيـره
لا تامن اللي بالخفى خنجره سـل=ولا تنعت اللي ما يزبـن جويـره
ذيب الخلا يدوي ولا هوب من ذل=إلا يخـوف كـل كلـبٍ وإميـره
حدد حدوده وافترس كل مـن زل=واصبح ضديده منه عينه سهيـره
والعقده اللي شفتهـا مالهـا حـل=اللي عقدها حط في الأمر خيـره
ياذيب وافطن كلمتن سطرها قـل=ماقل دلّـت بـه معانـي كبيـره
جاتك سحايب فزعتي مزنها هـل=واللي يقص الحد طوّل مسيره
والليل مهما طـال لابـد ويمـل=ويجلي صباحه كل هـم وحيـره